Auglýst störf vikuna 14.-20. febrúar
Alls voru 113 störf auglýst á íslenskum vefsvæðum vikuna 14.-20. febrúar 2010. Líkt og undanfarnar vikur krefst stærstur hluti auglýstra starfa æðri menntunar eða sérfræðiþekkingar.
Enn hækkar hlutfall auglýstra starfa á vegum ríkis og sveitarfélaga og reyndist þau vera 50,4% auglýstra starfa í síðustu viku. Voru 57 störf auglýst á vegum ríkis og sveitarfélaga á umræddu tímabili og á hið opinbera í fyrsta skipti hlut að máli meira en helmings auglýstra starfa síðan hafið var að halda utan um þessa tölfræði. Auglýst störf á almennum vinnumarkaði voru þó litlu færri, eða 56.
Á grafi hér að neðan má sjá fjölda auglýstra starfa flokkuð niður eftir starfsemi atvinnurekenda. Fyrirtæki er starfa á markaði verslunar og þjónusta eru helst að bæta við sig fólki en afar fáatvinnutækifæri stóðu til boða í iðn- og tæknigreinum, sjávarútvegi, fjármálalífinu sem og víðast annars staðar. Eins og sjá má er hvað líklegast að fólki standi atvinnutækifæri til boða hjá ríki og sveitarfélögum.
Atvinnuleysi
Samkvæmt tölum Vinnumálastofnunar þá jókst atvinnuleysi lítillega á milli vikna. Er þetta sama þróun og hefur verið undanfarnar vikur.
Fjölgun í hópi atvinnulausra var í öllum landshlutum nema á Suðurlandi. Líkt og í síðustu viku fjölgaði atvinnulausum hlutfallslega mest á Austurlandi, eða um 2,67%.
Hér að neðan má sjá fjölda auglýstra starfa á tímabilinu 14.-20. febrúar í hverjum landshluta fyrir sig, sem og hversu margir eru um hvert auglýst starf í landshlutanum.
