Vilt þú veita framúrskarandi þjónustu?

Þjónustuver OR leitar að jákvæðum og þjónustulunduðum liðsmanni í samstillt teymi þjónustufulltrúa sem leysir erindi viðskiptavina Orku náttúrunnar, Veitna, Gagnaveitu Reykjavíkur og Hitaveitu Mosfellsbæjar. Um er að ræða fjölbreytt og krefjandi starf. Ef þú hefur áhuga á að vinna í margbreytilegu og tæknilegu starfsumhverfi, hugsar í lausnum og nýtur þín í samskiptum hvetjum við þig til að sækja um starfið.

Við hvetjum jafnt karla sem konur til að sækja um.

Nánari upplýsingar veitir Ásdís Eir Símonardóttir mannauðsráðgjafi í netfanginu starf@or.is. Þú sækir um á ráðningavef OR, starf.or.is, þar sem nánari upplýsingar um starfið er að finna.

Umsóknarfrestur er til og með 16. ágúst 2018

OR er fjölbreyttur og lifandi vinnustaður fólks með mikla þekkingu. Fyrirtækið leitast við að vera í fremstu röð hvað snertir öryggi, jafnrétti, vinnuumhverfi og möguleika til að samræma vinnu og einkalíf.