Á fleygiferð í fluginu

Við leitum að afburðasnjöllum úttektarfulltrúa sem tjáir sig af innlifun um flugvernd og flugöryggi. Við bjóðum spennandi verkefni sem kalla á frumkvæði, nákvæmni og  færni í mannlegum samskiptum. Starfið krefst 100% skipulagshæfni og ástríðu fyrir regluverki. Fluggáfa og ferðagleði er kostur. Á þetta við um þig?

Helstu verkefni og ábyrgðarsvið:

• Undirbúningur úttekta og uppfærsla gátlista.
• Úttektir vegna flugverndar erlendis og innanlands og fylgjast með að framkvæmd þeirra sé skv. áætlun.
• Framkvæmd innri úttekta og á samningum.
• Uppfærsla á handbókum vegna flugverndar.
• Flugverndarþjálfun áhafna og annarra starfsmanna WOW air.
• Skýrslugerð, úrvinnsla og eftirfylgni frávika.

Menntun, kunnátta og reynsla sem starfið krefst:

• Áhugi og/eða kynni af flugi, flugvernd og flugöryggi.
• Þekking á gæðakerfum og úttektaraðferðum.
• Grunnþekking á flugvernd og flugverndarkröfum er kostur sem og þekking á AIR OPS, PART-M og viðeigandi reglugerðum.
• Framúrskarandi enskukunnátta bæði á töluðu og rituðu máli.
• Mjög góð tölvukunnátta.
• Geta til að ferðast töluvert vegna starfsins.
• Hugmyndarík nálgun verkefna og lausnamiðaður samskiptastíll
• Gott auga fyrir smáatriðum og þétt eftirfylgni með verkefnum.
• Frumkvæði í starfi og geta til að vinna sjálfstætt.