Óska eftir að ráða aðstoðarkonu í fullt starf. Um er að ræða vaktavinnu, þ.e. á daginn, um kvöld og helgar. Umsækjandi þarf að vera orðin 21 árs og geta hafið störf í maí. Ég er 42 ára kona með hreyfihömlun og búsett ásamt fjölskyldu minni á höfuðborgarsvæðinu, 270. Unnið er eftir hugmyndafræðinni um sjálfstætt líf; NPA, notendastýrð persónuleg aðstoð.

Starfið felur í sér að aðstoða mig við að framkvæma athafnir daglegs lífs, m.a. persónulega aðstoð, heimilisverk, úti í samfélaginu og á ferðalögum.

Aðstoðarkona þarf að vera stundvís og áreiðanleg, jákvæð og eiga auðvelt með að taka leiðsögn. Skilyrði er að umsækjandi sé reyklaus og með ökuréttindi.

Umsókn ásamt almennri ferilskrá, mynd og upplýsingum um meðmælendur skal senda á netfangið: kolbrun@npa.is.

Umsóknarfrestur er til 14. maí 2015