Tækni- og verkfræðideild Háskólans í Reykjavík leitar að kraftmiklum einstaklingi í fjölbreytt og krefjandi starf deildarfulltrúa MPM-námsins.
Um er að ræða 50% starf til eins árs.
STARFSSVIÐ
- Dagleg samskipti og þjónusta við nemendur og kennara.
- Þátttaka í markaðssetningu og að byggja upp samskipti við útskrifaða nemendur.
- Undirbúningur og framkvæmd viðburða er tengjast MPM-náminu.
- Ritstjórn á vef námsins.
- Umsjón umsókna, útskrifta og kennsluáætlana.
- Aðstoða forstöðumann og stjórn MPM-náms í stöðugu umbótastarfi.
Í boði er spennandi starf í metnaðarfullu og lifandi háskólaumhverfi. Starfið veitir ýmis tækifæri til að sýna frumkvæði með það að markmiði að skapa framúrskarandi náms- og vinnuumhverfi fyrir nemendur.
HÆFNISKRÖFUR
- Háskólapróf, MPM-gráða er kostur.
- Rík þjónustulund og lipurð í mannlegum samskiptum.
- Mikil skipulagshæfni og frumkvæði í starfi.
- Góð íslensku- og enskukunnátta (bæði í töluðu og rituðu máli).
- Áhugi á markaðsmálum og reynsla á því sviði.
Æskilegt er að viðkomandi geti hafið störf um miðjan ágúst 2015.
Nánari upplýsingar um starfið veita Sigrún Þorgeirsdóttir (sigrunth@ru.is), skrifstofustjóri tækni- og verkfræðideildar, og Helgi Þór Ingason (helgithor@ru.is), forstöðumaður MPM-náms Háskólans í Reykjavík. Umsóknarfrestur er til og með 6. júlí 2015 og skal umsóknum skilað á vef Háskólans í Reykjavík, http://www.ru.is/lausstorf. Farið er með allar fyrirspurnir og umsóknir sem trúnaðarmál.
Aðrar upplýsingar
Hlutverk Háskólans í Reykjavík er að skapa og miðla þekkingu til að auka samkeppnishæfni og lífsgæði fyrir einstaklinga og samfélag með siðgæði, sjálfbærni og ábyrgð að leiðarljósi. Akademískar deildir háskólans eru fjórar: lagadeild, tölvunarfræðideild, tækni- og verkfræðideild og viðskiptadeild. Kennsla og rannsóknir við Háskólann í Reykjavík mótast af sterkum tengslum við atvinnulíf og samfélag. Lögð er áhersla á þverfagleika, alþjóðlegt umhverfi, ny?sköpun og góða þjónustu. Nemendur Háskólans í Reykjavík eru um 3500 og starfa um 240 fastir starfsmenn við háskólann, auk fjölda stundakennara.