Enduro Adventure leitar að öflugum einstakling til starfa í sölu og markaðssetningu. Enduro Adventure er lítið ferðaþjónustufyrirtæki sem er eina sinnar tegundar á Íslandi sem sérhæfir sig í Enduro mótorhjólaferðum um slóða og fáfarna fjallvegi um land allt.

Fyrirtækið starfar að mestu á tímabilinu júní-september/október. Um er að ræða sumarstarf með möguleika á áframhaldandi starfi í vetur, minna að umfangi. Gæti hentað duglegum einstaklingum með námi. Viðkomandi þarf að geta hafið störf sem fyrst.

Starfslýsing:

• Sala ferða og tilboðsgerð
• Samskipti og upplýsingagjöf til viðskiptavina
• Bókanir, eftirfylgni og reikningagerð
• Almenn skrifstofustörf
• Sjá um uppfærslur á  netmiðlum t.d facebook, twitter ofl.

Starfsaðstaða:

Enduro Adventure er með höfuðstöðvar í eigin atvinnuhúsnæði sem staðsett er í Rauðhellu Hafnarfirði, þar er góð skrifstofuaðstaða á efri hæð ásamt kaffistofu, setustofu og salerni. Á neðri hæð er móttaka viðskiptavina, salerni, gallaherbergi og þjónustuverkstæði fyrir búnað og tæki fyrirtækisins.

Hæfniskröfur og reynsla:

• Stundvísi, sjálfstæði, frumkvæði, dugnaður og góðir skipulagshæfileikar mjög mikilvægt
• Góð enskuhæfni í tali og sér í lagi ritun.-íslenska (þarf ekki að vera fullkomin)
• Mikil þjónustulund og hæfni í mannlegum samskiptum
• Almen góð tölvukunnátta
• Áhugi á landi og ferðamennsku mikill kostur
• Bókhaldskunnátta alls ekki nauðsynleg