Laust er til umsóknar 100% starf fagstjóra í kennsluráðgjöf hjá Þjónustu- og þekkingarmiðstöð fyrir blinda, sjónskerta og daufblinda einstaklinga.

Helstu verkefni

Fagstjóri kennsluráðgjafar er faglegur stjórnandi á sínu sérsviði og leiðir  teymi ráðgjafa sem sérhæfa sig í kennsluráðgjöf við blind og sjónskert börn. Ráðgjöf er að mestu veitt í nærumhverfi í skólum, frístundum og á heimilum. Starfsmenn Miðstöðvar heimsækja því notendur um allt land. Einnig sér teymið um ráðgjöf og fræðslu til aðstandenda, stofnana og annarra fagaðila. Helstu verkefni í kennsluráðgjöf eru meðal annars:

• Mat á nýtingu sjónar
• Mat og ráðgjöf um aðlögun, val á námsefni og námstækni
• Mat og ráðgjöf á félagsfærni og samskiptum
• Ráðgjöf við gerð einstaklingaáætlana og útvíkkun námskráa
• Ráðgjöf og kennsla vegna punktaleturs, myndlesturs og ritmálsörvunar
• Mat og kennsla á hjálpartæki
• Þátttaka í undirbúningi fyrir tilfærslu milli skóla/skólastiga
• Fagstjóri ber ábyrgð á endurmenntun og símenntun kennsluráðgjafa
• Fagstjóri er jafnframt faglegur stjórnandi í punktaletursmálum og mun leiða hóp sérfræðinga um notkun og þróun punktaleturs

 Menntunar og hæfniskröfur

• Kennsluréttindi á grunn- eða framhaldsskólastigi
• Reynsla af kennslu í grunn- eða framhaldsskóla
• Meistaragráða í sérkennslufræðum eða sambærileg framhaldsmenntun
• Reynsla af stjórnun og teymisvinnu
• Jákvætt viðmót og lipurð í mannlegum samskiptum
• Skipulagshæfileikar, sjálfstæði, sveigjanleiki og frumkvæði í starfi
• Góð færni í ritaðri og munnlegri íslensku og ensku

 Þar sem um umtalsverða sérhæfingu í starfi er að ræða mun Miðstöðin óska eftir að viðkomandi starfsmaður fari í nám erlendis samhliða starfinu til að öðlast frekari menntun og þekkingu í kennsluráðgjöf fyrir blinda og sjónskerta einstaklinga.

Frekari upplýsingar um starfið

Laun samkvæmt gildandi kjarasamningi fjármálaráðherra og viðkomandi stéttarfélags.  Umsókn skal fylgja ítarleg náms- og starfsferilskrá þar sem gerð er grein fyrir ástæðu umsóknar og kynningarbréf þar sem fram kemur rökstuðningur fyrir hæfni viðkomandi í starfið. Umsóknarfrestur er til og með 12. mars og æskilegt er að viðkomandi geti hafið störf 1. júní eða eftir samkomulagi. Miðstöðin hvetur jafnt karla sem konur til að sækja um þessa stöðu. Umsóknir skulu sendar rafrænt á netfangið thorbjorg.gunnarsdottir@midstod.is

Öllum umsóknum verður svarað þegar ákvörðun um ráðstöfun starfsins liggur fyrir. Miðstöðin áskilur sér rétt til að hafna öllum umsóknum. Nánari upplýsingar veitir Þorbjörg Gunnarsdóttir í síma 5455800.