Opni háskólinn í HR leitar að kraftmiklum einstaklingi í starf verkefnastjóra. Verkefnastjóri ber ábyrgð á sölu, þróun, framkvæmd og eftirfylgni þjónustuleiða Opna háskólans í HR. Verkefnastjóri heyrir undir forstöðumann Opna háskólans í HR og vinnur í teymi með öðrum starfsmönnnum einingarinnar.
STARFSSVIÐ
- Sala og markaðssetning
- Skipulagning og framkvæmd námskeiða
- Samskipti við viðskiptavini og kennara
- Öflun nýrra viðskiptavina
- Þarfagreining og þróun námskeiða í samstarfi við akademískar deildir háskólans og íslenskt atvinnulíf
- Þátttaka í undirbúningi og framkvæmd viðburða á vegum Opna háskólans í HR
HÆFNISKRÖFUR
- Háskólamenntun sem nýtist í starfi
- Hæfni í mannlegum samskiptum
- Frumkvæði og drifkraftur
- Fagmennska og vilji til að veita frábæra þjónustu
- Skipulögð og öguð vinnubrögð
Aðrar upplýsingar
Nánari upplýsingar veitir: Guðmunda Smáradóttir (gudmundas@ru.is), forstöðumaður Opna háskólans í HR og Sigríður Elín Guðlaugsdóttir (sigridureg@ru.is) framkvæmdastjóri mannauðs. Umsóknarfrestur er til og með 1. mars 2017 og skal umsóknum skilað á vef Háskólans í Reykjavík, http://radningar.hr.is/storf/. Farið er með allar fyrirspurnir og umsóknir sem trúnaðarmál.
Hlutverk Háskólans í Reykjavík er að skapa og miðla þekkingu til að auka samkeppnishæfni og lífsgæði fyrir einstaklinga og samfélag með siðgæði, sjálfbærni og ábyrgð að leiðarljósi. Akademískar deildir háskólans eru fjórar: Lagadeild, tölvunarfræðideild, tækni- og verkfræðideild og viðskiptadeild. Kennsla og rannsóknir við Háskólann í Reykjavík mótast af sterkum tengslum við atvinnulíf og samfélag. Lögð er áhersla á þverfagleika, alþjóðlegt umhverfi, nýsköpun og góða þjónustu. Nemendur Háskólans í Reykjavík eru um 3600 í fjórum deildum og starfa um 250 fastir starfsmenn við háskólann auk fjölda stundakennara.