Tölvunarfræðideild HR auglýsir eftir einstaklingi í stöðu aðjúnkts á sviði vef- og viðmótsþróunar í fullt starf en framúrskarandi umsækjendur á öllum sviðum tölvunarfræði eru hvattir til að sækja um.
Starfssvið
- Kennsla í grunnnámi í tölvunarfræði.
- Leiðsögn nemenda.
- Þátttaka í stjórnsýslu deildarinnar.
Hæfniskröfur
- MSc-próf í tölvunarfræði, hugbúnaðarverkfræði eða tengdum greinum.
- Reynsla af kennslu æskileg og metnaður í kennslu á háskólastigi skilyrði.
- Hæfni í mannlegum samskiptum, frumkvæði og sjálfstæði í starfi.
Tölvunarfræðideild HR býður upp á nám á grunn- og framhaldsnámsstigi í tölvunarfræði, hugbúnaðarverkfræði og tölvunarstærðfræði. Deildin er sú stærsta sinnar tegundar á Íslandi og stunda samtals yfir 800 nemendur nám við deildina.
Nánari upplýsingar um starfið veita Sigríður Elín Guðlaugsdóttir, framkvæmdastjóri mannauðs (sigridureg@ru.is), og Hallgrímur Arnalds (hallgrimur@ru.is), forstöðumaður grunnnáms í tölvunarfræði. Umsóknum ásamt starfsferilskrá, afriti af viðeigandi prófskírteinum, yfirliti yfir fræðastörf og reynslu af kennslu, afritum af helsta birta efni og meðmælum, skal skilað á vef Háskólans í Reykjavík, www.radningar.hr.is. Byrjað verður að fara yfir umsóknir 30. október og opið verður fyrir umsóknir þangað til búið er að ráða í viðkomandi stöðu.
Hlutverk Háskólans í Reykjavík er að skapa og miðla þekkingu til að auka samkeppnishæfni og lífsgæði fyrir einstaklinga og samfélag með siðgæði, sjálfbærni og ábyrgð að leiðarljósi. Akademískar deildir háskólans eru fjórar: lagadeild, tölvunarfræðideild, tækni- og verkfræðideild og viðskiptadeild. Kennsla og rannsóknir við Háskólann í Reykjavík mótast af sterkum tengslum við atvinnulíf og samfélag. Lögð er áhersla á þverfagleika, alþjóðlegt umhverfi, nýsköpun og góða þjónustu. Nemendur Háskólans í Reykjavík eru um 3.800 í fjórum deildum og starfa um 250 fastir starfsmenn við háskólann auk fjölda stundakennara.