Í Leikskólann Laugalandi í Rangárþingi ytra vantar okkur leikskólakennara í eftirfarandi stöður.

Aðstoðarleikskólastjóra í 100% stöðu frá 7. ágúst. Aðstoðarleikskólastjóri starfar við hlið leikskólastjóra og er staðgengill hans. Hann hefur yfirumsjón með skipulagi sérkennslumála skólans og tekur þátt í sérkennslu. Starfar samkvæmt starfslýsingu og í samráði við leikskólastjóra.

Menntunarkröfur:

• Leikskólakennaramenntun.
• Menntun og/eða reynsla á sviði stjórnunar og sérkennslu æskileg.

Deildarstjóra í 100% stöðu á eldri deild frá 7. ágúst. Deildarstjóri starfar samkvæmt starfslýsingu og samráði við leikskólastjóra.

Menntunarkröfur:

• Leikskólakennaramenntun.
• Menntun og/eða reynsla á sviði stjórnunar er æskileg.

Leitað er eftir áhugasömum, glaðværum og metnaðarfullum starfsmönnum, körlum jafnt sem konum sem hafa góða hæfni í mannlegum samskiptum og eru tilbúnir til að vinna eftir sérstökum áherslum skólans.

Helstu áherslur í starfi eru m.a. traust og góð umönnun og vellíðan barnanna á allan hátt. ART þjálfun (þjálfun í félagsfærni, reiðistjórnun og siðferði), leikur, útikennsla, slökun og fjölbreyttar vinnustundir. Mikil og góð samvinna er við grunnskólann sem er undir sama þaki og leikskólinn.   Í leikskólanum er leikskólakennurum boðið uppá aukinn undirbúningstíma. Deildarstjórar í fullu starfi fá samtals 10 tíma á viku.

Leikskólinn Laugalandi er tveggja deilda leikskóli og er staðsettur að Laugalandi í Holtum. Umhverfi skólans einkennist af fjölbreyttri íslenskri náttúru sem býður uppá endalausa möguleika fyrir leik og nám.