Fjölbreytt skrifstofustarf á lifandi vinnustað
Tónskóli Sigursveins D. Kristinssonar leitar að samviskusömum einstaklingi til að sinna fjölbreyttum verkefnum á skrifstofu skólans á Engjateigi 1.
Um er að ræða 50% starfshlutfall og vinnutíma kl. 13:00-17:00 á virkum dögum, - eða skv. samkomulagi. Tónskóli Sigursveins er lifandi vinnustaður og lögð er áhersla á jákvætt viðhorf og góða þjónustu við nemendur og foreldra. Nemendur skólans eru hátt í 600 talsins, flestir á aldrinum þriggja til tuttugu og þriggja ára. 60 kennarar starfa við skólann og góður starfsandi hefur einkennt 54ra ára sögu skólans.
Starfið býður upp á lengri frí en tíðkast í almennum skrifstofustörfum, svo sem um jól og páska.
Starfsvið:
- Móttaka á skrifstofu og símsvörun
- Aðstoð við nemendur, foreldra og kennara
- Gjaldkerastörf s.s. greiðsla reikninga, innheimta skólagjalda og kennslukostnaðar
- Pöntun á rekstrarvörum fyrir skólann og innkaup fyrir skrifstofu
- Vinna í skráningakerfi skólans
- Vinna í Rafrænni Reykjavík
- Vinna við innritun nemenda
- Gerð efnisskráa og skírteina
- Prófarkalestur
- Umsjón á kaffistofu kennara
- Önnur tilfallandi verkefni
Hæfnis- og menntunarkröfur:
- Samskiptahæfileikar bæði gagnvart börnum og fullorðnum
- Kurteisi, sveigjanleiki, þolinmæði og þjónustulund
- Samviskusemi og vinnusemi
- Góð almenn menntun
- Góð tölvukunnátta
- Góð íslenskukunnátta
- Þekking og/eða reynsla af bókhaldi
Umsóknarferli
Umsækjandi þarf að hefja störf 13. ágúst nk.
Umsókn um starfið þarf að fylgja ítarleg starfsferilsskrá, meðmælabréf frá fyrrverandi vinnuveitanda og viðeigandi prófskírteini. Umsóknir skal senda til skólastjóra á netfangið julinanaindrida@gmail.com . Umsóknarfrestur er til 6. júlí 2018. Umsækjendur sem til greina koma í starfið verða boðaðir í viðtal hjá skólastjóra. Öllum umsóknum verður svarað fyrir 15. júlí 2018.
Nánari upplýsingar um starfið veitir Júlíana Rún Indriðadóttir, skólastjóri í síma: 848-6057.