Býrð þú á Akureyri? Ertu í leit að skemmtilegu og krefjandi sumarstarfi?

UNICEF á Íslandi leitar að hressu og drífandi fólki til að taka þátt í spennandi verkefni á Norðurlandi í sumar. Verkefnið mun standa yfir í 6-8 vikur, frá miðjum júní, og miðar að því að kynna baráttu UNICEF fyrir réttindum barna.

Um er að ræða 100% starf sem fer fram utandyra og er um að ræða vinnu á virkum dögum og einhverja helgarvinnu.

Við erum að leita að þér ef þú…

• ert á aldrinu 18-35 ára.
• hefur áhuga á að stíga út fyrir þægindarammann.
• ert opin/nn og hefur ánægju af því að tala við annað fólk.
• vinnur vel í hópi fólks en ert jafnframt sjálfstæð/ur í vinnubrögðum.
• finnst gaman að takast á við krefjandi verkefni og gefst ekki upp þó á móti blási.

Á móti bjóðum við þér…

• gefandi sumarstarf við að berjast fyrir réttindum barna um allan heim.
• fræðslumiðað og spennandi starf.
• þjálfun í að miðla mikilvægum málstað á skýran og skiljanlegan hátt.
• tækifæri til að kynnast hvernig UNICEF starfar fyrir börn um allan heim.