Leikskólinn Sunnuás leitar að aðstoðarleikskólastjóra sem býr yfir leiðtogahæfileikum og er tilbúinn til að leiða áfram gott og metnaðarfullt leikskólastarf með frábæru samstarfsfólki.

Leikskólinn Sunnuás er 6 deilda leikskóli sem er staðsettur við Laugarásveg í nýju og björtu húsnæði. Börnin í leikskólanum eru á aldrinum 1 til 6 ára og eru 110 börn samtímis í skólanum hverju sinni. Leikskólinn Sunnuás leggur áherslu á viðurkennandi samskipti, fjölbreytni í umhverfismennt og sköpun. Einkunnarorð leikskólans eru virðing, sköpun og gleði.

Mikil áhersla er lögð á faglegt innra starf leikskólans þar sem við vinnum markvisst með þema tengd verkefni, Lubbi finnur málbein, LAL og Vináttuverkefni Barnaheilla. Einnig er leikskólinn búinn að vera í innleiðngarferli Barnasáttmála UNICEF og erum að verða réttindaskóli. Sunnuás er í góðu samstarfi við fjóra aðra leikskóla borgarinnar við innleiðingu Reggio Emilia sem mun halda áram næsta vetur með sameiginlegum markmiðum og samvinnu. Í leikskólanum Sunnuási er frjálsa leiknum gefinn gott rými í dagsskipulagi skólans ásamt útiveru.

Leikskólinn vinnur metnaðarfullt starf í málörvun með verkefnastjóra tónlistar í farabroddi ásamt tengilið fjölmenningar sem heldur vel utan um hóp barna með fleiri tungumál en íslensku.

Leikskólinn starfar undir Norðurmiðstöð sem er okkar þjónustumiðstöð og nýtur stuðnings fagfólks þeirra og samstarfs.

Í öllu starfi skóla- og frístundasviðs er unnið að innleiðingu Menntastefnu Reykjavíkur, Látum draumana rætast og BBB betri borg fyrir börn, þar sem leiðarljósin eru virkni og þátttaka barna, aukið samstarf og fagmennska.

Helstu verkefni og ábyrgð

Vinna með leikskólastjóra að daglegri stjórnun leikskólans og skipulagningu kennslu- og uppeldisstarfsins.

Er staðgengill leikskólastjóra í fjarveru hans og starfar þá samkvæmt starfslýsingu hans.

Taka þátt í stefnumótun og áætlanagerð leikskólans.

Sjá um samskipti og samvinnu við foreldra í samráði við leikskólastjóra. Stuðla að velferð nemenda í samstarfi við foreldra og annað fagfólk.

Vera faglegur leiðtogi.

Sinna öðrum verkefnum sem leikskólastjóri felur honum.

Tekur þátt í skólaþróun.

Hæfniskröfur

Leikskólakennaramenntun og leyfisbréf kennara.

Reynsla af starfi í leikskóla.

Reynsla af stjórnun æskileg.

Frumkvæði og vilji til að leita nýrra leiða.

Lipurð og sveigjanleiki í samskiptum.

Sjálfstæð og skipulögð vinnubrögð.

Áhugi og/eða reynsla af að leiða þróunarstarf.

Góð tölvukunnátta.

Hreint sakavottorð.

Íslenskukunnátta B2 samkvæmt evrópska tungumálarammanum.

Fríðindi í starfi

36 stunda vinnuvika

sundkort

menningarkort

árlegur heilsustyrkur eftir 6 mán. í starfi

afsláttur af dvalargjaldi í leikskóla í Reykjavík

samgöngusamningur

frír hádegismatur

forgangur í leikskóla.

Nánari upplýsingar

Upplýsingar um starfið veitir Agnes Ólafsdóttir leikskólastjóri í síma 894-4824 og/eða í tölvupósti agnes.olafsdottir01@reykjavik.is

Laun eru samkvæmt samningi Sambands íslenskra sveitarfélaga og Kí v/ Félags stjórnenda leikskóla.

Vakin er athygli á stefnu Reykjavíkurborgar um jafnan hlut kynja í störfum.

Aðstoðarleikskólastjóri Sunnuás