Hvaleyrarskóli óskar eftir að ráða kennara í stærðfræði og umsjón á elsta stigi

Í Hvaleyrarskóla eru um 370 nemendur í 1. til 10. bekk. Einkunnarorð skólans eru ábyrgð, kurteisi og samvinna sem endurspeglast í öllu skólastarfi. Í skólanum er unnið samkvæmt SMT-skólafærni þar sem áhersla er lögð á jákvæð samskipit og uppbyggilegt námsumhverfi. Hvaleyrarskóli er jafnframt heilsueflandi grunnskóli og vinnur eftir Olweusaráætluninni gegn einelti. Hvaleyrarskóli er skóli margbreytileikans þar sem lögð er rækt við fjölmenningu, skapandi starf og fjölbryettar kennsluaðferðir.

Skólinn vinnur samkvæmt hugmyndafræði SMT, Olweus, byrjendalæsis og orð af orði ásamt áherslu á skák- og sviðslistir/danskennslu.

Nánari upplýsingar um skólann má einnig finna á heimasíðunni http://www.hvaleyrarskoli.is.

Helstu verkefni og ábyrgð:

Annast kennslu í stærðfræði á elsta stigi í samvinnu við skólastjórnendur og kennara
Vinna að þróun skólastarfs með áherslu á teymisvinnu og faglegt samstarf
Stuðla að velferð nemenda í samstarfi við foreldra og annað fagfólk
Vinna samkvæmt stefnu skólans og SMT skólafærni með það að merkmiði að tryggja öryggi og jákvætt andrúmsloft

Menntunar- og hæfniskröfur:

Leyfisbréf til kennslu (skal fylgja umsókn)
Kennslureynsla og þekking á fjölbreyttum kennsluaðferðum æskileg
Frumkvæði, skipulögð vinnubrögð og sjálfstæði í starfi
Jákvæðni og áhugi á skapandi og metnaðarfullu umhverfi
Áhugi á teymiskennslu og þverfaglegu samstarfi
Mjög góð íslenskukunnátta, að lágmarki C1 samkvæmt ETM Sjálfsmatsrammi (coe.int)
Lipurð og jákvæðni í samskiptum
Víðtæk tölvukunnátta og góð þekking á Mentor

Gerð er krafa um hreint sakavottorð við ráðningu.

Nánari upplýsingar um starfið veita Kristinn Guðlaugsson, skólastjóri, kristinn@hvaleyrarskoli.is í síma 664 5833 eða Vala Stefánsdóttir, aðstoðarskólastjóri, vala@hvaleyrarskoli.is í síma 868 6859. Sími skólans er 565 0200.

Umsóknarfrestur er til og með 11. mars 2026. Ráðið er í stöðuna frá 1. ágúst 2026.

Greinagóð ferilsskrá fylgi umsókn.

Laun eru samkvæmt kjarasamningi Sambands íslenskra sveitarfélaga og KÍ.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.

Kennsla í stærðfræði og umsjón á elsta stigi - Hvaleyrarskóli