Í Klettaborg starfar þéttur hópur starfsfólks sem byggt hefur upp traust og skemmtilegt leikskólastarf. Í leikskólanum er lögð áhersla á að börn læri í gegnum leik. Markvisst er unnið með læsishvetjandi umhverfi, félagsfærni, og sjálfseflingu barna. Einnig er lögð áhersla á gæði í samskiptum við börn, foreldra og aðra starfsmenn. Starfið í Klettaborg einkennist af leik í flæði sem og í hópum þegar það á við, bæði úti og inni.

Helstu verkefni og ábyrgð

Vera faglegur leiðtogi leikskólans og móta framtíðarstefnu hans innan ramma laga, reglugerða, aðalnámskrár og stefnu Reykjavíkurborgar.
Bera ábyrgð á daglegu starfi í leikskólanum.
Skipuleggja foreldrasamstarf í samvinnu við foreldra og starfsmenn.
Hafa yfirumsjón með innra mati á starfi leikskólans og umbótaáætlunum.
Hvetja til þróunar og nýbreytni í leikskólastarfi.
Stýra rekstri leikskólans á grundvelli fjárhagsáætlunar.
Bera ábyrgð á starfsmannamálum, svo sem ráðningum, vinnutilhögun og starfsþróun.
Skipuleggja tengsl skólans við ýmsa samstarfsaðila.

Í öllu starfi skóla- og frístundasviðs er unnið að innleiðingu Menntastefnu Reykjavíkur, Látum draumana rætast, þar sem leiðarljósin eru virkni og þátttaka barna, aukið samstarf og fagmennska.

Hæfniskröfur

Leikskólakennaramenntunog leyfisbréf kennara.
Viðbótarmenntun í stjórnun eða kennslureynsla á leikskólastigi.
Reynsla af stjórnun æskileg.
Stjórnunarhæfileikar og vilji til að leita nýrra leiða.
Þekking á rekstri, áætlanagerð og fjármálastjórnun.
Lipurð og hæfni í samskiptum.
Sjálfstæði og frumkvæði.
Áhugi og/eða reynsla af að leiða þróunarstarf.
Íslenskukunnátta C1 samkvæmt evrópska tungumálarammanum.

Nánari upplýsingar

Umsókn fylgi yfirlit yfir nám og fyrri störf, leyfisbréf til að nota starfsheitið kennari og greinargerð um framtíðarsýn umsækjanda á starf í leikskólanum.

Laun eru samkvæmt samningi Sambands íslenskra sveitarfélaga og Kennarasambands Íslends vegna Félags stjórnenda í leikskólum.

Um er að ræða 100% stöðu og verður ráðið ótímabundið.

Starfið er laust nú þegar eða eftir samkomulagi.

Nánari upplýsingar um starfið veitir Hildur Lilja Jónsdóttir, fagstjóri leikskóla í Austurmiðstöð, í tölvupósti Hildur.Lilja.Jonsdottir@reykjavik.is eða í síma 411-1400/863-2871.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Leikskólastjóri Klettaborg