Í list- og verkgreinateymi skólans starfar öflugur hópur kennara sem vinnur náið saman að fjölbreyttum og skapandi verkefnum með nemendum. Samstarf verk- og listgreinakennara við aðra kennara í skólanum er m.a. í gegnum smiðjuvinnu þar sem unnið er að þemaverkefnum og leiklistarsýningum. Góð aðstaða til list- og verkgreinakennslu styður við samstarf, samþættingu námsgreina og skapandi skólastarf.

Í Norðlingaskóla er áhersla á teymiskennslu, samkennslu árganga, einstaklingsmiðað nám, smiðjuvinnu, náið samráð við foreldra, nýbreytni og skólaþróun. Allt skólastarf byggir á teymisvinnu starfsfólks.

Norðlingaskóli er heildstæður grunnskóli með rúmlega 500 nemendur í 1. – 10. bekk. Skólinn er staðsettur í einstöku umhverfi í Norðlingaholti. Við skólann er samþætt grunnskóla- og frístundastarf.

Stefna og starf skólans grundvallast á því lífsviðhorfi að hverjum einstaklingi skuli búin námsskilyrði svo hann megi þroskast og dafna á eigin forsendum og útskrifast úr grunnskóla sem sjálfstæður, sterkur og lífsglaður einstaklingur.

Helstu verkefni

Annast kennslu nemenda í samstarfi við skólastjórnendur og aðra kennara.
Tekur þátt í uppsetningu á leiksýningum í samstarfi við aðra kennara.
Stuðlar að velferð nemenda í samstarfi við foreldra og annað fagfólk.
Tekur þátt í þróun skólastarfs með stjórnendum og samstarfsfólki.

Hæfniskröfur

Leyfi til að nota starfsheitið kennari.
Menntun og/eða reynsla á sviði leiklistar.
Reynsla og áhugi á að starfa með börnum.
Hæfni í mannlegum samskiptum og sveigjanleiki í starfi.
Faglegur metnaður og frumkvæði í starfi.
Áhugi á skapandi kennsluháttum og þróun skólastarfs.
Áhugi og vilji til að starfa í teymisvinnu.
Góð íslenskukunnátta er skilyrði.

Frekari upplýsingar um starfið

Laun eru samkvæmt samningi Sambands íslenskra sveitarfélaga og Félags grunnskólakennara.

Umsækjendur eru beðnir um að senda umsókn sína ásamt fylgiskjölum, þar á meðal leyfisbréfi til kennslu, í gegnum vef Reykjavíkurborgar um laus störf þar sem starfið er auglýst.

Frekari upplýsingar um Norðlingaskóla má finna á heimasíðu skólans: nordlingaskoli.is.

Nánari upplýsingar um starfið veitir Aðalbjörg Ingadóttir, skólastjóri, í gegnum netfangið adalbjorg.ingadottir@reykjavik.is

Listgreinakennari við Norðlingaskóla