Hlutverk skammtímadvala er að veita börnum kost á að dvelja tímabundið utan heimilis síns og veita fjölskyldum þeirra stuðning. Unnið er eftir hugmyndafræði sjálfstæðs lífs og miðar þjónustan að því að hvetja og styðja dvalargesti við athafnir daglegs lífs. Á Holtavegi er lögð áhersla á jákvæð og uppbyggileg samskipti og þar starfar þéttur og skemmtilegur starfsmannahópur.

Helstu verkefni og ábyrgð

Fagleg ábyrgð á þjónustu á skammtímaheimilinu.
Stjórnun og fjárhagsleg ábyrgð á rekstri heimilisins.
Stjórnun starfsmannamála og ábyrgð á framkvæmd starfsmannastefnu.
Samstarf við notendur, aðstandendur og hagsmunasamtök.
Leiðsögn og ráðgjöf til aðstandenda og starfsmanna.
Þátttaka í þverfaglegu samstarfi er snýr að þróun þjónustu við fatlað fólk.

Hæfniskröfur

Háskólamenntun sem nýtist í starfi.
Þekking og reynsla af starfi með fötluðum börnum.
Reynsla af stjórnun.
Afburðarhæfni í mannlegum samskiptum og leiðtogahæfni.
Frumkvæði, skipulagshæfni og sjálfstæði í vinnubrögðum.
Íslenskukunnátta á stigi B2-C1.
Hreint sakavottorð í samræmi við lög sem og reglur Reykjavíkurborgar.

Frekari upplýsingar um starfið

Laun eru samkvæmt samningi Reykjavíkurborgar og viðkomandi stéttarfélags.

Nánari upplýsingar um starfið veitir Halldóra Gyða í gegnum netfangið halldora.gyda@reykjavik.is eða síma 411-9401.

Öflugur og metnaðarfullur forstöðumaður óskast í skammtímadvöl fyrir fötluð börn og ungmenni að Holtavegi