Austurmiðstöð auglýsir lausa stöðu sálfræðings í deild barna og fjölskyldna (skólaþjónustu). Um er að ræða fastráðningu í 50% starf. Leitað er eftir metnaðarfullum og drífandi einstaklingi með einlægan áhuga á þjónustu við börn og barnafjölskyldur. Sálfræðingur mun aðallega sinna sálfræðilegri ráðgjöf og greiningum vegna barna og barnafjölskyldna, námskeiðahaldi, þverfaglegu samstarfi innan Austurmiðstöðvar og við samstarfsaðila, s.s. leikskóla, grunnskóla og frístundastarfsemi, og þátttöku í sameiginlegu verkefni velferðarsviðs og skóla- og frístundasviðs, Betri borg fyrir börn.

Æskilegt er að viðkomandi geti hafið störf sem fyrst.

Austurmiðstöð er framsækinn vinnustaður sem býður upp á spennandi tækifæri til að taka þátt í uppbyggingu á þjónustu í hverfi borgarinnar og þverfaglegu samstarfi í hverfi og milli hverfa. Í boði er vinna með metnaðarfullum hópi annarra fagmanna, sálfræðinga, félagsráðgjafa, kennsluráðgjafa, sérkennsluráðgjafa, talmeinafræðinga o.fl., að málefnum barna, skóla og fjölskyldna sem og þátttaka í sameiginlegu verkefni velferðarsviðs og skóla- og frístundasviðs, Betri borg fyrir börn. Markmið verkefnisins er að efla þjónustu við börn, ungmenni og fjölskyldur þeirra og þétta samstarf skóla- og frístundasviðs og velferðarsviðs.

Fríðindi í starfi:

36 stunda vinnuvika
Heilsustyrkur
Sundkort
Menningarkort
Samgöngustyrkur

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Helstu verkefni og ábyrgð

Ráðgjöf til foreldra og starfsfólks skóla vegna nemenda.
Sálfræðilegar athuganir og greiningar á börnum og unglingum.
Námskeiðahald fyrir foreldra, börn og starfsmenn skóla.
Þverfaglegt starf á þjónustumiðstöð og við samstarfsstofnanir (s.s. heilsugæslu, barnavernd o.fl.).

Menntunar- og hæfnikröfur

Löggilding til að starfa sem sálfræðingur.
Þekking á þroska og þroskafrávikum barna.
Reynsla af sálfræðilegri greiningu og ráðgjöf vegna barna er æskileg.
Áhugi á þróun sálfræðiþjónustu og þverfaglegs samstarfs.
Þekking á eða PMTO menntun er kostur.
Skipulagshæfileikar, sjálfstæði í vinnubrögðum, frumkvæði og framúrskarandi hæfni í mannlegum samskiptum.
Jákvætt hugarfar, lausnamiðað viðhorf og vilji til að taka þátt í þróunarstarfi.
Íslenskukunnátta á stigi C1 samkvæmt evrópska tungumálarammanum.
Hreint sakavottorð í samræmi við lög, sem og reglur Reykjavíkurborgar.

Umsóknarfrestur er til 4. mars 2026. Umsóknir munu gilda í sex mánuði eftir að umsóknarfrestur rennur út.

Laun eru samkvæmt samningi Reykjavíkurborgar og viðkomandi stéttarfélags.

Nánari upplýsingar um starfið veitir Hulda Sólrún Guðmundsdóttir deildarstjóri í síma 411-1400 eða tölvupósti hulda.solrun.gudmundsdottir@reykjavik.is

Sálfræðingur í deild barna og fjölskyldna