Borgaskóli óskar eftir að ráða umsjónarkennara. Starfið er laust frá 1. ágúst 2026 og kemur hlutastarf til greina.

Borgaskóli er grunnskóli fyrir nemendur í 1. -7. bekk. Í skólanum eru u.þ.b. 220 nemendur. Hlutverk Borgaskóla er að bjóða upp á fjölbreytt og skapandi nám sem stuðlar að alhliða þroska nemenda með það að markmiði að þeir verði sjálfstæðir og skapandi einstaklingar.

Áhersla er á leiðsagnarnám og teymisvinnu starfsfólks ásamt umhverfismennt og nýsköpun. Borgaskóli er Réttindaskóli Unicef, Grænfánaskóli og Heilsueflandi grunnskóli. Leitað er að metnaðarfullum einstaklingi sem býr yfir frumkvæði og góðri fagþekkingu á skólastarfi og er tilbúinn til þess að taka þátt í skólaþróun.

Helstu verkefni og ábyrgð

Annast umsjónarkennslu í samráði við skólastjórnendur, aðra kennara og foreldra.
Vinna að þróun skólastarfs með stjórnendum og samstarfsmönnum samkvæmt stefnu skólans.
Stuðla að velferð nemenda í samstarfi við foreldra og annað fagfólk.

Menntunar og hæfniskröfur kennara

Kennaramenntun.
Leyfi til að nota starfsheitið grunnskólakennari.
Faglegur metnaður, frumkvæði í starfi og áhugi á skólaþróun.
Lipurð og færni í mannlegum samskiptum, leiðtogahæfileikar.
Íslenskukunnátta á stigi B2 samkvæmt evrópska tungumálarammanum Self-assessment Grids (CEFR) - European Language Portfolio (ELP) (coe.int)
Hreint sakavottorð í samræmi við lög sem og reglur Reykjavíkurborgar.

Hlunnindi í starfi

Menningarkort og bókasafnskort.
Samgöngustyrkur.
Sundkort.
Heilsuræktarstyrktur.

Umsókninni skal fylgja yfirlit yfir nám og fyrri störf, leyfisbréf til að nota starfsheitið grunnskólakennari auk annarra gagna er málið varðar. Starfið er tímabundið með möguleika á fastráðningu.

Nánari upplýsingar um starfið veitir Ester Helga Líneyjardóttir skólastjóri í síma 411 7760 eða með því að senda fyrirspurn á ester.helga.lineyjardottir@reykjavik.is

Umsjónarkennari í Borgaskóla skólaárið 2026-2027