Háskólinn í Reykjavík óskar eftir að ráða öflugan og metnaðarfullan einstakling í starf kennsluráðgjafa á kennslusvið háskólans. Kennslusvið stýrir skipulagningu og eftirfylgni með innra og ytra gæðaeftirliti með kennslu og námi. Sviðið sinnir jafnframt kennsluráðgjöf, nýsköpun í kennslu, þjálfun kennara, þróun kennslukerfa, prófum og annarri umsýslu um kennslu við skólann.

Leitað er að metnaðarfullum einstaklingi sem er tilbúinn að taka þátt í að fylgja eftir stefnu háskólans í eflingu gæða kennslu og náms.

STARFSSVIÐ:

• Þróun aðferðafræði kennslu og innleiðing á nýjum kennsluaðferðum
• Ráðgjöf og handleiðsla kennara
• Skipulagning og úrvinnsla kennslumats
• Ráðgjöf við kennslustefnu
• Innleiðing stafrænna kennsluhátta
• Þátttaka í almennum verkefnum kennslusviðs s.s. prófahaldi, undirbúningi útskrifta, almenns gæðaeftirlits o. fl.

HÆFNISKRÖFUR:

• Háskólapróf sem nýtist í starfið, s.s. í kennslufræði eða uppeldisfræði
• Reynsla af kennsluráðgjöf eða sambærilegu starfi
• Þekking og reynsla af háskólastarfi/framhaldsskólastarfi
• Góð þekking og skilningur á upplýsingatækni er skilyrði
• Frumkvæði í starfi og framsýni
• Skipulag og ögun í vinnubrögðum
• Góð enskukunnátta er skilyrði
• Teymishugsun, lipurð og hæfni í mannlegum samskiptum