Verkfræðideild Háskólans í Reykjavík leitar að kraftmiklum einstaklingi í fjölbreytt og krefjandi starf verkefnastjóra á skrifstofu deildarinnar.
STARFSSVIÐ
- Þjónusta og samskipti við nemendur og starfsmenn
- Umsjón og skipulag námsbrauta við deildina í samvinnu við forstöðumann
- Skráning námskeiða, kennara og kennslubóka
- Umsjón með efni á vef deildarinnar
- Stundatöflugerð og gerð kennsluskrár
- Ýmis konar gagnaöflun
- Þátttaka í kynningu á náminu, t.d. á nýnemadögum og Háskóladeginum
Í boði er spennandi starf í metnaðarfullu og lifandi háskólaumhverfi. Starfið veitir ýmis tækifæri til að sýna frumkvæði með það að markmiði að skapa framúrskarandi náms- og vinnuumhverfi fyrir nemendur.
HÆFNISKRÖFUR
- Háskólapróf
- Rík þjónustulund og lipurð í mannlegum samskiptum
- Mikil skipulagshæfni og frumkvæði í starfi
- Góð íslensku- og enskukunnátta (bæði talað og ritað mál)
- Almenn tölvukunnátta nauðsynleg
Nánari upplýsingar um starfið veita Sigrún Þorgeirsdóttir (sigrunth@ru.is) skrifstofustjóri tækni- og verkfræðideildar og Sigríður Elín Guðlaugsdóttir (sigridureg@ru.is) framkvæmdastjóri mannauðs. Umsóknarfrestur er til og með 28. apríl 2019 og skal umsóknum skilað á vef Háskólans í Reykjavík, hér að neðan. Farið er með allar fyrirspurnir og umsóknir sem trúnaðarmál.
Aðrar upplýsingar
Hlutverk Háskólans í Reykjavík er að skapa og miðla þekkingu til að auka samkeppnishæfni og lífsgæði fyrir einstaklinga og samfélag með siðgæði, sjálfbærni og ábyrgð að leiðarljósi. Kennsla og rannsóknir við Háskólann í Reykjavík mótast af sterkum tengslum við atvinnulíf og samfélag. Lögð er áhersla á þverfagleika, alþjóðlegt umhverfi, nýsköpun og góða þjónustu. Nemendur Háskólans í Reykjavík eru um 3.700 í sjö deildum og starfa um 250 fastir starfsmenn við háskólann auk fjölda stundakennara.