Ert þú efni í götulýsingarhönnuð ON?

Meðal þeirra verkefna sem Orka náttúrunnar (ON) sinnir er hönnun, uppsetning, viðhald og rekstur á götuljósum á höfuðborgarsvæðinu, allt frá Garðabæ til Akraness.

Við leitum nú logandi ljósi að skapandi aðila í götulýsingarteymi ON til að sjá um hönnun lýsingar og rafkerfa fyrir götulýsingu. Verkefnin eru fjölbreytt og þú tekur m.a. þátt í stefnumótun, ráðgjöf, mótun hönnunarforsendna og tæknilegra krafna.

Ef þú ert með próf í rafmagnsverkfræði eða rafmagnstæknifræði, ert jákvæð(ur) og lipur í samskiptum, býrð yfir frumkvæði og átt auðvelt með að vinna sjálfstætt þá viljum við heyra í þér. Reynsla af hönnun götulýsingar er kostur og eins þekking á AutoCad og Dialux.

Sótt er um á ráðningavef ON, starf.on.is, þar sem nánari upplýsingar er að finna.

Umsóknarfrestur er til 20. maí 2019.

Öll kyn eru hvött til að sækja um starfið.