Lækjarskóli auglýsir eftir kennara í íslensku á unglingastigi. Starfshlutfall er 80-100%.

Ráðið er í stöðuna frá 1. janúar 2020.

Í Lækjarskóla eru um 500 nemendur í 1. til 10. bekk. Skólinn er staðsettur í fallegu umhverfi við Lækinn í Hafnarfirði. Einkunnarorð skólans eru ábyrgð, virðing og öryggi og endurspeglast allt skólastarfið í þessum orðum. Við skólann er rekin sérdeild fyrir nemendur með þroskaraskanir.

Í skólanum er unnið samkvæmt SMT-skólafærni sem þýðir að áhersla er lögð á að nálgast nemendur á jákvæðan hátt, gefa góðri hegðun meiri gaum en slæmri hegðun og skapa þannig jákvæðan skólabrag. Stjórnendur skólans leggja mikla áhersla á að byggja upp og viðhalda góðri liðsheild meðal starfsmanna.

Helstu verkefni og ábyrgð:

Annast kennslu nemenda í samráði við skólastjórnendur, aðra kennara og foreldra.
Vinna að þróun skólastarfs með stjórnendum og samstarfsmönnum.
Stuðla að velferð nemenda í samstarfi við foreldra og annað fagfólk.
Vinna samkvæmt stefnu skólans í átt að markmiðum skólaársins.
Vinna í teymi íslenskukennara á unglingastigi.

Menntunar- og hæfniskröfur:

Leyfisbréf grunnskólakennara. Sérmenntun í kennslugrein æskileg.
Reynsla og áhugi á að kenna unglingum og starfa með þeim.
Leikni í samskiptum og sveigjanleiki í starfi.
Löngun til þess að starfa í skapandi og metnaðarfullu umhverfi.
Góð íslenskukunnátta.
Góð færni í upplýsingatækni.

Umsókn fylgi ferilskrá, leyfisbréf til að nota starfsheitið grunnskólakennari og annað er málið varðar.

Nánari upplýsingar um starfið veitir G. Dögg Gunnarsdóttir, skólastjóri, í síma 664-5877 eða í gegnum netfangið dogg@laekjarskoli.is

Laun eru samkvæmt kjarasamningi Sambands íslenskra sveitarfélaga og Félags grunnskólakennara.

Umsóknarfrestur er til og með 10. desember 2019.

<

Kennsla í íslensku á unglingastigi - Lækjarskóli