Framkvæmdastjóri

Félag forstöðumanna ríkisstofnana (FFR) leitar að framkvæmdastjóra í hálft starf. Starfið felst í daglegum rekstri, bókhaldi og utanumhaldi um starfsemi félagsins í samræmi við lög þess, fjárhagsáætlun og ákvarðanir stjórnar. Framkvæmdastjóri tekur virkan þátt í þróun á nýju vinnuumhverfi forstöðumanna, annast upplýsingagjöf, hefur umsjón með fundum og fræðslumálum félagsins og vinnur að hagsmunamálum félagsmanna. Framkvæmdastjóri heyrir undir stjórn félagsins.

Menntunar- og hæfnikröfur:

Háskólamenntun sem nýtist í starfi
Þekking á starfsumhverfi forstöðumanna ríkisstofnana æskileg
Kunnátta í tölfræðilegri greiningu æskileg
Góð íslenskukunnátta og geta til að tjá sig á erlendu tungumáli
Skipulagshæfileikar og hæfni til að sinna fjölbreyttum verkefnum
Öguð vinnubrögð og lipurð í mannlegum samskiptum
Hæfni til að miðla upplýsingum í töluðu og rituðu máli
Góð tölvukunnátta

Félag forstöðumanna ríkisstofnana er samstarfs- og hagsmunafélag en einnig tengiliður við stjórnvöld varðandi gagnkvæm málefni félagsmanna og stofnana. Laun eru samkvæmt kjarasamningi aðildarfélags BHM.

Umsókn skal fylgja starfsferilskrá og kynningarbréf þar sem gerð er grein fyrir ástæðu umsóknar og rökstuðningi fyrir hæfni viðkomandi í starfið. Umsóknarfrestur er til og með 3. febrúar 2020 og skulu umsóknir berast á netfangið ffr@ffr.is. Öllum umsóknum verður svarað þegar ákvörðun um ráðningu hefur verið tekin.

Nánari upplýsingar veita Margrét Hauksdóttir, formaður Félags forstöðumanna ríkisstofnana, mh@skra.is og Halldór Ó. Sigurðsson, halldor@rikiskaup.is