Við leitum að öflugum einstaklingi og traustum liðsfélaga í starf fjármálastjóra Daga.

Fjármálastjóri ber ábyrgð á stjórnun og rekstri fjármálasviðs, þjónustu þess og virkni sem styðji við framþróun, vöxt og samkeppnishæfni skv. stefnu, markmiðum og áætlunum félagsins. Fjármálastjóri heyrir undir forstjóra, situr í framkvæmdastjórn og tekur virkan þátt í að þróa þjónustuna að þörfum viðskiptavina og félagið að nýjum viðskiptatækifærum.

Fjármálasvið heldur utan um fjármál og fjármálagerninga félagsins. Greinir og miðlar upplýsingum til stjórnenda sem gefa glögga mynd af rekstri, fjárhag og horfum félagsins á hverjum tíma og framvindu lykil áhersluþátta og verkefna.

Við hvetjum jafnt konur sem karla til að sækja um starfið. Allar umsóknir og fyrirspurnir verða meðhöndlaðar sem trúnaðarmál og þeim svarað.

Starfssvið

Reikningshald – Stýring og eftirlit með færslu bókhalds, skattaskilum, mánaðarlegum uppgjörum, árshlutauppgjörum og gerð ársreikninga.
Fjárstýring – Reikningagerð, innheimtur, greiðslur, dagleg lausafjárstýring og samskipti við lánastofnanir vegna fjármögnunar. Umsjón með rekstrar- og fjármögnunarleigusamningum, samningum við birgja og samræmdum innkaupum.
Launavinnsla – Launavinnsla, útgreiðsla launa, skil á sköttum, gjöldum og lífeyrissjóðsgreiðslum. Greining og yfirlit á launum, veikindum, frítöku ásamt vöktun, greiningu og eftirlit vegna jafnlaunastefnu.
Leiðsögn og miðlun – Greining og miðlun rekstrartengdra upplýsinga, áætlanagerð, eftirlit og vöktun á mælikvörðum og skýrslugjöf til stjórnar og stjórnenda. Greining, umbætur og eftirlit með lykil ferlum er varða rekstur og fjármál. Rekstur, viðhald og framþróun grunn upplýsingakerfa til samræmi við þarfir starfseminnar.

Menntunar- og hæfniskröfur

Viðskipta- eða rekstrarmenntun á háskólastigi.
Góð samskiptafærni og leiðtogahæfileikar.
Yfirsýn, greiningarhæfni og nákvæmni.
Stjórnunar- og rekstrarreynsla.
Framsýni, skipulagshæfileikar, drifkraftur og seigla.
Haldgóð þekking og reynsla af reikningshaldi og fjárstýringu.
Brennandi áhugi og metnaður á umbótum og starfrænni umbreytingu í starfseminni.

Fjár­mála­stjóri (CFO)

Fjármálastjóri (CFO)