Viltu leggja þitt af mörkum í stafrænni vegferð Reykjavíkurborgar?

Fjölbreytt og krefjandi starf lögfræðings í þjónustu og nýsköpun

Þjónustu- og nýsköpunarsvið Reykjavíkurborgar leitar að lögfræðingi með brennandi áhuga á tækni og stafrænum miðlum, sem býr yfir ríkum umbótavilja og hugmyndaauðgi og er tilbúinn til að stíga af krafti inn í metnaðarfullt teymi lögfræðinga sem sinnir opinberum innkaupum, samningastjórnun og persónuvernd fyrir sviðið. Starfið er tímabundið til tveggja ára með möguleika á framlengingu.

Reykjavíkurborg hefur blásið til sóknar með Græna planinu sem meðal annars er ætlað að hraða stafrænni umbreytingu til næstu þriggja ára. Græna?planið er metnaðarfullt plan til að draga úr umhverfisáhrifum, skipuleggja græn hverfi og auka framboð stafrænna lausna með notendamiðaðri nálgun.?Þannig bregst borgin við aukinni kröfu og þörfum borgarbúa á stafrænum lausnum og auknu aðgengi að gögnum og bættri þjónustu?á?netinu.

Þjónustu- og nýsköpunarsvið kaupir inn fyrir umtalsverðar upphæðir á ári hverju og snýr meginhluti þeirra að upplýsingatengdum og nýskapandi verkefnum. Reykjavíkurborg leggur áherslu á vönduð innkaupaferli og því er leitað að drífandi aðila sem hefur áhuga á tækni og nýsköpun, nýjungum í innkaupamálum og persónuvernd í stafrænum heimi.

Ef þú vilt vinna á faglegum og skemmtilegum vinnustað þar sem helsti hvatinn er umbætur á þjónustu fyrir borgarbúa, krefjandi viðfangsefni og nýsköpun þá er þjónustu- og nýsköpunarsvið borgarinnar rétti staðurinn fyrir þig.

Helstu verkefni og ábyrgð:

Gerð og rýni útboðs- og verðfyrirspurnagagna.

Gerð verk-, vörukaupa- og þjónustusamninga.

Gerð vinnslusamninga.

Gerð mats á áhrifum á persónuvernd.

Lögfræðileg ráðgjöf og vinna vegna verkefna sviðsins.

Þátttaka í þróun og umbótum er varða málefni málefni sviðsins.

Menntunar- og hæfniskröfur:

Háskólagráða í lögfræði, framhaldsmenntun æskileg.

Þekking og reynsla á sviði opinberra innkaupa er kostur.

Þekking og reynsla á sviði persónuverndar er kostur.

Skilningur á upplýsingatækni og hagnýtingu hennar.

Rík þjónustulund og lausnamiðuð hug