Viltu leggja þitt af mörkum í stafrænni vegferð Reykjavíkurborgar?

Upplýsingafræðingur í stafræna vegferð óskast tímabundið

Þjónustu- og nýsköpunarsvið leitar að upplýsingafræðing í tímabundið starf til að minnsta kosti tveggja ára með möguleika á framlengingu. Upplýsingafræðingurinn kemur til með að stýra verkefni teikningarskönnunar, stafrænu aðgengi og varðveislu á teikningasafni borgarinnar.

Þjónustu- og nýsköpunarsvið skiptist í 6 einingar:

Upplýsinga- og skjalastýring

Skrifstofa þjónustu og umbreytinga

Stafræn Reykjavík

Upplýsingatækniþjónusta

Gagnavísindastofa

Skrifstofa sviðsstjóra

Borgin hefur blásið til sóknar til að hraða stafrænum umbreytingum til næstu þriggja ára með græna planinu. Græna planið er metnaðarfullt plan til að draga úr umhverfisáhrifum, skipuleggja græn hverfi og auka framboð stafrænna lausna með notendamiðaðri nálgun. Þannig bregst borgin við aukinni kröfu og þörfum borgarbúa á stafrænum lausnum og auknu aðgengi að gögnum og bættri þjónustu á netinu.

Stafrænar lausnir draga úr pappírsnotkun, umferð og tímasóun sem og auka skilvirkni og hagkvæmni í rekstri hennar.

Ef þú vilt vinna á faglegum, skemmtilegum vinnustað þar sem helsti hvatinn eru umbætur á þjónustu fyrir borgarbúa, krefjandi viðfangsefni og nýsköpun þá er Þjónustu- og nýsköpunarsvið borgarinnar mögulega rökrétt framhald á starfsferlinum þínum.

Helstu verkefni og ábyrgð

Ábyrgð og umsjón með að koma teikningasafni Reykjavíkurborgar á stafrænt form.

Að farið sé að gildandi lögum og reglum um skjalavistun opinberra aðila og sveitarfélaga.

Stýrir teymi sem hefur umsjón með skönnun, skráningu, pökkun og frágangi fyrir varanlega varðveislu.

Greining umfangs, skipulagning og framkvæmd verkefnis.

Vinnur náið með upplýsinga- og skjalastýringu og þjónustuveri Reykjavíkurborgar.

Menntunar- og hæfniskröfur

Háskólamenntun eða sambærilega menntun sem nýtist í starfi, m.a. í upplýsingafræði.

Þekking og eða reynsla af skjalastjórn nauðsynleg.

Þekking á opinberri stjórnsýslu er kostur.

Samskiptafærni og rík þjónustulund.

Framúrskarandi hæ