Viltu leggja þitt af mörkum í stafrænni vegferð Reykjavíkurborgar?

Leiðtogar í stafrænni vegferð óskast.

Þjónustu- og nýsköpunarsvið leitar að stafrænum leiðtogum til að leiða svið borgarinnar áfram í stafrænni vegferð. Starfið er tímabundið til tveggja ára með möguleika á framlengingu. Stafrænn leiðtogi er eins konar vöruskrárstjóri sviðsins og tengir saman vörueigendur þess. Stafræn vara getur verið t.d. hugbúnaður, vefur eða smáforrit.

Stafrænn leiðtogi hefur brennandi áhuga á stafrænum umbreytingum, miðlar framtíðasýn, aðgerðaráætlunum og gildi þeirra. Stafrænn leiðtogi er einnig ráðgjafi og helsti sérfræðingur síns sviðs þegar kemur að stafrænni framþróun og starfar náið með framkvæmdarstjórn hvers sviðs fyrir sig og kemur að forgangsröðun sviðsins sem snýr að verkefnavali og stjórnun. Stafrænir leiðtogar borgarinnar heyra undir Þjónustu- og nýsköpunarsvið en starfa á ólíkum sviðum borgarinnar.

Reykjavíkurborg skiptist í 8 svið:

Stoðsviðin

Þjónustu- og nýsköpunarsvið

Fjármála- og áhættustýringarsvið

Mannauðs- og umhverfissvið

Fagsviðin

Menningar- og ferðamálasvið

Íþrótta- og tómstundasvið

Skóla- og frístundasvið

Umhverfis- og skipulagssvið

Velferðarsvið

Borgin hefur blásið til sóknar til að hraða stafrænum umbreytingum til næstu þriggja ára með græna planinu. Græna planið er metnaðarfullt plan til að draga úr umhverfisáhrifum, skipuleggja græn hverfi og auka framboð stafrænna lausna með notendamiðaðri nálgun. Þannig bregst borgin við aukinni kröfu og þörfum borgarbúa á stafrænum lausnum, auknu aðgengi að gögnum og bættri þjónustu á netinu.

Stafrænar lausnir draga úr pappírsnotkun, umferð og tímasóun sem og auka skilvirkni og hagkvæmni í rekstri borgarinnar.

Ef þú vilt vinna á faglegum og skemmtilegum vinnustað þar sem helsti hvatinn eru umbætur á þjónustu fyrir borgarbúa, krefjandi viðfangsefni og nýsköpun þá er Þjónustu- og nýsköpunarsvið borgarinnar mögulega rökrétt framhald á starfsferlinum þínum.

Helstu verkefni og ábyrgð

Vöruskrárstýring og yfirsýn yfir verkefni og þróun sviðsins.

Ráðgjöf í stafræ