Viltu leggja þitt af mörkum í stafrænni vegferð Reykjavíkurborgar?

Stafrænir vöruhönnuðir óskast

Þjónustu- og nýsköpunarsvið leitar að stafrænum vöruhönnuðum til þess að vinna með okkur að því markmiði að gera þjónustur borgarinnar aðgengilegar og auðveldar í notkun fyrir íbúa hennar. Við hugsum um þjónustur borgarinnar sem eina heild og vinnum út frá notendamiðaðri hönnun. Við hugsum um hvert ferli frá upphafi til enda og þar liggja endalaus tækifæri til ítrunar og betrunar.

Borgin hefur blásið til sóknar til að hraða stafrænum umbreytingum til næstu þriggja ára með græna planinu. Græna planið er metnaðarfullt plan til að draga úr umhverfisáhrifum, skipuleggja græn hverfi og auka framboð stafrænna lausna með notendamiðaðri nálgun. Þannig bregst borgin við aukinni kröfu og þörfum borgarbúa á stafrænum lausnum, auknu aðgengi að gögnum og bættri þjónustu á netinu.

Stafrænar lausnir draga úr pappírsnotkun, umferð og tímasóun sem og auka skilvirkni og hagkvæmni í rekstri borgarinnar.

Ef þú vilt vinna á faglegum og skemmtilegum vinnustað þar sem helsti hvatinn er umbætur á þjónustu fyrir borgarbúa, krefjandi viðfangsefni og nýsköpun þá er Þjónustu- og nýsköpunarsvið borgarinnar mögulega rökrétt framhald á starfsferlinum þínum.

Það sem við trúum á

Að setja íbúann í fyrsta sætið.
Að finna lausnir út frá áskorunum fólksins sem er að nýta þjónustuna.
Að ekki bara hlusta heldur fylgjast með hvernig fólk hegðar sér. Oftast liggja svörin ekki í því sem við segjum heldur í því sem við gerum.
Góð þjónusta hefur mikil áhrif á samfélagið.
Þverfaglegt og fjölbreytt teymi skilar betri lausnum og árangri.
Teymi er allt.

Helstu verkefni og ábyrgð

Hanna notendaupplifun (UX) í stafrænum vörum samkvæmt hönnunarstaðli Reykjavíkurborgar.

Þátttaka í stafrænum umbreytingateymum.

Vinnur náið með hönnunarstjóra og hönnunarstjórn.

Menntunar- og hæfniskröfur

Þekking og reynsla af notkun á stafrænum hönnunartólum s.s. Figma, Adobe o.fl.

Þekking og reynsla á aðferðafræði þjónustuhönnunar (e. design thinking).

A

Stafrænn vöruhönnuður