Flataskóli auglýsir eftir starfsmanni í hlutastarf í frístundaheimilið Krakkakot. Opnunartími frístundaheimilisins er frá kl. 13:30 -17:00 og þar dvelja börnin eftir að kennslu lýkur við leiki og fjölbreytt verkefni.

Í Flataskóla er unnið af miklum metnaði og áhersla lögð á notalegt andrúmsloft, umhyggju og góðan árangur. Í skólanum eru persónuleg samskipti milli nemenda, starfsfólks og foreldra. Samvinna er mikil og góð á milli allra þeirra sem starfa í skólasamfélaginu. Í skólanum ríkir góður starfsandi og boðið er upp á gott starfsumhverfi. Nánari upplýsingar um skólann má finna á heimasíðunni www.flataskoli.is.

Leitað er eftir einstaklingi sem er tilbúinn að starfa að sveigjanlegu tómstundastarfi í teymisvinnu samkvæmt skólastefnu Flataskóla. Getur hentað vel sem aukavinna með námi og/eða öðru starfi.

Menntun, reynsla og hæfni:

Uppeldismenntun sem nýtist í starfinu er kostur
Reynsla af starfi með börnum er æskileg
Ánægja af starfi með börnum
Dugnaður, jákvæðni og ábyrgðarkennd
Frumkvæði og sjálfstæð vinnubrögð
Gott vald á íslensku

Umsóknarfrestur er til og með 30. september 2021.

Nánari upplýsingar um starfið veitir Ágúst Jakobsson skólastjóri, agustja@flataskoli.is

Launakjör eru samkvæmt kjarasamningi Sambands íslenskra sveitarfélaga og Starfsmannafélags Garðabæjar.

Áhugasamir einstaklingar, án tillits til kyns, eru hvattir til að sækja um.

Umsækjendur eru beðnir um að sækja um rafrænt á heimasíðu Garðabæjar www.gardabaer.is Umsóknum skal fylgja ítarleg starfsferilskrá.

Flataskóli auglýsir eftir starfsmanni í frístundaheimilið Krakkakot