Fjölskyldusvið Garðabæjar leitar að framsæknum og lausnamiðuðum aðila til að leiða starf barnaverndarþjónustu í Garðabæ. Um er að ræða 100% starfshlutfall í góðu starfsumhverfi hjá ört vaxandi bæjarfélagi. Fjölskyldusvið Garðabæjar leggur áherslu á að þjónustan einkennist af fagmennsku, áreiðanleika og jákvæðni. Leitað er að einstaklingi sem er tilbúinn að takast á við fjölbreytt og krefjandi verkefni og leiða áframhaldandi uppbyggingu á barnaverndarþjónustu Garðabæjar.

Helstu verkefni:

Ber ábyrgð á stjórnun og rekstri barnaverndarþjónustu í samræmi við lög og reglugerðir
Skipuleggur og leiðir þverfaglega teymisvinnu barnaverndarþjónustu
Kemur að vinnslu barnaverndarmála og samskiptum við börn og foreldra
Veitir ráðgjöf og fræðslu á sviði barnaverndarþjónustu
Vinnur að samhæfingu og eflingu barnaverndarstarfs með þverfaglegri samvinnu við hagaðila innan og utan sveitarfélags
Tekur virkan þátt í verkefnum tengdum Velferð barna í Garðabæ
Tekur virkan þátt í mótun verklags, faglegri þróun, stefnumótun og umbótastarfi í málefnum barna
Heldur utan um skráningar, skýrslur, greinargerðir og tölfræði tengt starfinu

Menntunar- og hæfniskröfur:

Starfsréttindi í félagsráðgjöf
Víðtæk reynsla af barnaverndarstarfi er skilyrði
Haldbær stjórnunarreynsla er skilyrði
Jákvætt og lausnarmiðað viðhorf og lipurð í mannlegum samskiptum
Sjálfstæð vinnubrögð, frumkvæði og skipulagshæfileikar
Hæfni til að tjá sig í ræðu og riti á íslenskri tungu
Góð tölvukunnátta
Hreint sakarvottorð í samræmi við lög og reglur

Umsóknarfrestur er til og með 12. desember 2022.

Nánari upplýsingar um starfið veitir Svanhildur Þengilsdóttir, sviðsstjóri fjölskyldusviðs í síma 5258500 eða með því að senda tölvupóst á svanhildurthe@gardabaer.is

Launakjör eru samkvæmt kjarasamningi Sambands íslenskra sveitarfélaga og viðkomandi stéttarfélags.

Áhugasamir

Deildarstjóri barnaverndarþjónustu á fjölskyldusvið Garðabæjar