Vegna forfalla er laus staða umsjónarkennara á miðstigi í Hofsstaðaskóla frá 10. janúar 2024.

Í skólanum eru 520 nemendur í 1.- 7. bekk og þar starfa um 95 starfsmenn með það að markmiði að hlúa að nemendum námslega og félagslega og koma til móts við áhuga þeirra og getu. Vel er búið að nemendum og starfsmönnum og er öll aðstaða í skólanum til fyrirmyndar.

Í skólanum fer fram metnaðarfullt starf sem er í stöðugri þróun. Kennsluhættir eru fjölbreyttir og vellíðan nemenda í fyrirrúmi í anda Menntastefnu Garðabæjar. Læsi skipar stóran sess og þjónusta við nemendur með sérþarfir er öflug. Nánari upplýsingar um skólann má finna á vefsíðunni www.hofsstadaskoli.is

Helstu verkefni og ábyrgð:

Sinnir kennslu og hefur umsjón með nemendum
Skipuleggur nám og kennslu nemenda
Fylgist með námi og þroska allra nemenda sinna og leitast við að skapa kennsluaðstæður sem eru hvetjandi til náms, vinnusemi og þroska
Stuðlar að velferð nemenda og samstarfi við foreldra og fagfólk
Tekur þátt í teymisvinnu með umsjónarkennurum í árganginum ásamt öðrum fagaðilum sem koma að nemendum
Vinnur að þróun skólastarfs í samráði við stjórnendur og samstarfsfólk

Hæfniskröfur:

Kennaramenntun og leyfisbréf til kennslu (leyfisbréf fylgi umsókn)
Haldgóð þekking á kennslufræði námsgreina á miðstigi í grunnskóla.
Leikni í fjölbreyttum kennsluháttum
Reynsla af kennslu í grunnskóla
Lipurð í samskiptum ásamt metnaði í starfi
Frumkvæði og sjálfstæði í vinnubrögðum
Ánægja af starfi með börnum og ungmennum
Stundvísi og samviskusemi
Góð íslenskukunnátta
Þekking á uppeldisstefnunni Uppeldi til ábyrgðar er æskileg

Umsóknarfrestur er til 21. desember 2023. Ráðið er tímabundið í stöðuna frá 10. 01. 2024.

Nánari upplýsingar um starfið

Umsjónarkennari á miðstigi