Garðabær auglýsir laust til umsóknar starf leikskólastjóra við leikskólann Kirkjuból í Garðabæ. Í leikskólanum dvelja allt að 61 börn á aldrinum 1 árs til 5 ára. Leikskólinn er þriggja deilda og áherslur í starfi með börnum eru heilsuefling, sköpun og lífsleikni.

Í leikskólum Garðabæjar er möguleiki á að sækja um styrki í Þróunarsjóð leikskóla til að styðja við nýbreytni og framþróun í starfi. Einnig er til staðar sérverkefnasjóður sem hver og einn leikskóli hefur til umráða til að styðja enn frekar við leikskólastarfið. Nýverið voru samþykktar spennandi tillögur um bætt starfsumhverfi leikskóla sem taka gildi í byrjun árs 2024.

Leitað er að leikskólastjóra til að leiða skólastarfið í samvinnu við starfsfólk, foreldra og börn. Leikskólastjóri tekur einnig þátt í að móta skólasamfélag Garðabæjar með uppbyggilegum og framsýnum hætti í samvinnu við fræðslu- og menningarsvið Garðabæjar.

Helstu verkefni:

Vera faglegur leiðtogi
Bera faglega og rekstrarlega ábyrgð á starfi leikskólans, stjórna daglegri starfsemi hans og hafa forgöngu um mótun og framgang stefnu leikskólans
Vinna náið með starfsfólki að því að skapa frjótt námsumhverfi þar sem vellíðan er tryggð og styrkleikar hvers og eins fá notið sín

Menntunar og hæfniskröfur:

Leyfisbréf til kennslu (leyfisbréf fylgi umsókn)
Framhaldsmenntun á sviði stjórnunar og/eða reynsla af stjórnun
Reynsla af rekstri
Áhugi og reynsla í að leiða þróunarstarf
Góðir skipulagshæfileikar og vilji til að leita nýrra leiða í skólastarfi
Góð íslenskukunnátta og ritfærni er skilyrði
Sveigjanleiki og framsýni
Góð hæfni í samskiptum

Umsókninni skal fylgja greinargóð ferilskrá um störf umsækjanda og menntun ásamt reynslu hans sem stjórnanda og þeim verkefnum sem hann hefur unnið að og lýsa færni hans til að sinna starfi leikskólastjóra. Umsækjandi þarf einnig að skila greinargerð með hugmyndum sínum um starfið og hvernig hann sér leikskólann Kirkjuból þróast í skólasamfélagi Garðabæjar undir sinni stjórn.

Staðan er laus frá 1. febrúar 2023.

Leikskólastjóri óskast í leikskólann Kirkjuból