Heilsuleikskólinn Bæjarból auglýsir eftir aðstoðarleikskólastjóra í 100% starf. Verksvið hans skiptist í 40% stjórnun og 60% vinnu með börnunum.

Leikskólinn er staðsettur í fallegu grónu hverfi, hann er fjögurra deilda og þar er rými fyrir 82 börn. Bæjarból er heilsuleikskóli með áherslu á hreyfingu, sköpun og útiveru. Einkunnarorð skólans eru: Leikgleði - Agi - Lífsleikni. Heimasíða skólans er www.baejarbol.is.

Leitað er að jákvæðum einstaklingi sem er framsýnn í skólamálum, sýnir frumkvæði og býr yfir hæfni í samskiptum.

Starfsfólk í skólum Garðabæjar hefur möguleika á að sækja um styrki í Þróunarsjóði leik- og grunnskóla Garðabæjar og er þeim ætlað að stuðla að nýbreytni og framþróun í starfi. Einnig er til staðar sérverkefnasjóður sem styður enn frekar við skólastarfið.

Það er margt spennandi framundan í starfinu á Bæjarbóli. Verið er að byggja viðbyggingu við húsið þar sem verður matstofa og vinna við að þróa hana er komin í gang.

Starf aðstoðarleikskólastjóra er frábært tækifæri fyrir áhugasama, þar gefst einstakt tækifæri til að taka þátt í þróun leikskólastarfs og hafa áhrif í stjórnendateyminu.

Helstu verkefni og ábyrgð:

Er aðstoðarmaður leikskólastjóra og ber ásamt honum ábyrgð á rekstri leikskólans
Er staðgengill í fjarveru leikskólastjóra og starfar þá samkvæmt starfslýsingu hans
Vinnur ásamt leikskólastjóra að daglegri stjórnun leikskólans og skipulagningu uppeldisstarfsins
Sinnir þeim verkefnum sem yfirmaður felur honum

Menntun, hæfni og reynsla:

Leyfisbréf til kennslu (leyfisbréf fylgi umsókn)
Að lágmarki 60 námseiningar í uppeldis- og kennslufræðigreinum
Sérhæfð hæfni sem snýr að skólaþróun, stjórnun, rekst

Heilsuleikskólinn Bæjarból í Garðabæ auglýsir eftir aðstoðarleikskólastjóra