Velferðarsvið Garðabæjar leitar að drífandi og öflugum fagaðila til að sinna starfi málstjóra. Málstjóri starfar á grundvelli laga nr. 86/2021 og stuðlar að því að þjónusta í þágu velferðar og farsældar barna og foreldra sé samfelld og samþætt. Leitað er að fagaðila með menntun og færni sem er tilbúinn að takast á við fjölþætt verkefni í þjónustu við börn og fjölskyldur þeirra. Um er að ræða 100% stöðu til eins árs, í góðu starfsumhverfi, með möguleika á áframhaldandi ráðningu.

Helstu verkefni:

Sinnir ráðgjöf og veitir upplýsingar um þjónustu í þágu farsældar barna
Vinnur með fjölskyldum í samþættingu í þágu farsældar barna
Stýrir stuðningsteymi í 2. og 3. stigs þjónustu
Ber ábyrgð á gerð stuðningsáætlana í samvinnu við fjölskyldur og stuðningsteymi
Tekur virkan þátt í verkefnum tengdum velferð barna í Garðabæ og kemur að innleiðingu farsældar barna innan sveitarfélagsins
Vinnur að faglegri þróun og umbótastarfi í málefnum barna og fjölskyldna
Heldur utan um skráningar, skýrslur, greinargerðir og tölfræði tengt starfinu

Menntunar- og hæfniskröfur:

Háskólamenntun á sviði félags-, heilbrigðis- eða menntavísinda
Framúrskarandi hæfni í mannlegum samskiptum og geta til að vinna í teymi
Reynsla af málavinnslu með börnum og fjölskyldum er æskileg
Þekking og reynsla af almennri velferðarþjónustu og félagslegri ráðgjöf er æskileg
Jákvætt og lausnarmiðað viðhorf
Sjálfstæð vinnubrögð, frumkvæði og skipulagshæfileikar.
Hæfni til að tjá sig í ræðu og riti á íslenskri tungu, íslenskukunnátta C1 (samkvæmt samevrópskum tungumálaramma)
Góð tölvukunnátta
Hreint sakarvottorð í samræmi við lög og reglur

Umsóknarfrestur er til og með 25. febrúar 2024. Æskilegt að viðkomandi geti hafið störf sem fyrst.

Nánari upplýsingar um starfið gefur Svanhildur Þengilsdóttir, sviðsstjóri fjölskyldusviðs í síma 5258500 eða með því að senda tölvupóst á

Málstjóri í farsæld barna