Við leitum að fjölhæfum kennara sem getur kennt bæði samfélags- og náttúrufræði.

Garðaskóli í Garðabæ er unglingaskóli þar sem rúmlega 630 nemendur stunda nám í 8.-10. bekk. Í skólanum er lögð áhersla á að starfsfólk sérhæfi sig í vinnu með unglingum og kennslu faggreina. Nánari upplýsingar um skólann má finna á heimasíðunni: www.gardaskoli.is.

Helstu verkefni og ábyrgð:

Skipuleggur nám, kennslu og námsmat nemenda í 8. - 10. bekk í samvinnu við aðra samfélags- og náttúrufræðikennara.
Sinnir faglegu starfi og kennslu nemenda.
Vinnur að skólaþróun með stjórnendum og samstarfsfólki
Stuðlar að velferð nemenda og samstarfi við forráðafólk og annað fagfólk
Tekur þátt í teymisvinnu.

Menntun, hæfni og reynsla:

Leyfisbréf til kennslu (leyfisbréf skal fylgja umsókn)
Að lágmarki 90 námseiningar á einu námssviði aðalnámskrár og menntunarfræði grunnskóla
Lipurð og færni í mannlegum samskiptum ásamt metnaði í starfi
Frumkvæði, skipulagshæfni og sjálfstæði í vinnubrögðum
Áhugi á skólaþróun
Íslenskukunnátta á stigi C1 samkvæmt evrópska tungumálarammanum
Góð tölvukunnátta
Reynsla af enskukennslu á unglingastigi og/eða í framhaldsskóla er æskileg
Reynsla af starfi í grunnskóla og/eða starfi með unglingum er æskileg
Þekking á uppeldisstefnunni Uppbygging sjálfsaga er æskileg

Um 100% stöðu og framtíðarstarf er að ræða.

Umsóknarfrestur er til og með 21. febrúar 2024. Ráðning er frá 1. ágúst 2024.

Nánari upplýsingar um starfið veita Jóhann Skagfjörð Magnússon skólastjóri (johannmagn@gardaskoli.is) og Ásta Huld Henrýsdóttir aðstoðarskólastjóri (astahuld@gardaskoli.is).</

Samfélags- og náttúrufræðikennari í Garðaskóla