Í sumar verður atvinnutengt frístundaúrræði í boði fyrir fötluð ungmenni fædd 2007 eða fyrr.

Úrræðið tryggir ungmennum

17 ára vinnu í allt að 6 tíma á dag
18 ára og eldri vinnu í allt að 7 tíma á dag.

Stuðningsfulltrúar verða ungmennunum innan handar í sumar en atvinnutengd frístund er sniðin að þörfum hvers og eins.Boðið verður upp á stuðning með fötluðum ungmennum. Almennt er gert ráð fyrir 3-4 vinnustundum fyrir hádegi og frístundastarfi eftir hádegi. Markmiðið með úrræðinu er að gefa öllum ungmennum tækifæri til þess að taka þátt í störfum með stuðningi.Frístundastarfið verður fjölbreytt og sniðið að þörfum þeirra sem taka þátt og unnið með þeim að þróun starfsins. Markmiðið með frístundastarfinu er að efla sjálfstæði einstaklinga og styrkja félagsleg tengsl þeirra.

Gerð er krafa um að umsækjendur hafa lögheimili í Garðabæ. Laun eru samkvæmt kjarasamningi Sambands íslenskra sveitarfélaga og Verkalýðsfélagsins Hlífar. Árgangur 2007 fær 82% af hlutaðeigandi launaflokki.

Vinnutími er

6 tímar á dag í 6 vikur fyrir 17 ára (fædd/-ur árið 2007).
7 tímar á dag í 7 vikur fyrir 18 ára og eldri (fædd/-ur árið 2006 eða fyrr).

Umsóknarfrestur er til og með 6. mars 2024.

Nánari upplýsingar veitir:
Ágúst Arnar Þráinsson, forstöðumaður Garðahrauns, agustthr@gardabaer.is, símar 820 8594 og 525 8594

Atvinnutengt frístundaúrræði fyrir fötluð ungmenni