Leikskólinn Akrar auglýsir eftir starfsmanni til að bera ábyrgð á stuðningi við barn með sérþarfir í samvinnu við deildarstjóra og sérkennslustjóra.

Við leitum að drífandi starfsmanni í okkar frábæra teymi. Ef þú hefur gaman af starfi með börnum og allskonar fólki eru miklar líkur á að þú fallir vel inn í hópinn okkar. Starfsandi á Ökrum er góður og einkennist af jákvæðni, gleði og góðri samvinnu.

Akrar eru fjögurra deilda leikskóli þar sem áhersla er lögð á nám í gegn um leik í skapandi námsumhverfi. Grunngildi leikskólans eru virkni og vellíðan þar sem við viljum að öllum börnum og fullorðnum líði vel og upplifi gleði og sigra á hverjum degi.

Viltu vera með í okkar liði?

Helstu verkefni og ábyrgð:

Að sinna barni með sérþarfir
Að sjá um að einstaklingsnámskrá sé framfylgt
Að starfa í nánu samstarfi við foreldra/forráðamenn, deildarstjóra, aðra starfsmenn og fagaðila

Menntun, hæfni og reynsla:

Leikskólakennaramenntun, menntun á sviði sérkennslufræða, sálarfræði, þroskaþjálfun eða önnur sambærileg menntun sem nýtist í starfi
Reynsla af starfi í leikskóla eða starfi með börnum
Ánægja af því að starfa með börnum
Frumkvæði, samskiptahæfni og sjálfstæði í vinnu
Íslenskukunnátta á stigi B2 samkvæmt evrópska tungumálarammanum

Fáist ekki starfsmaður með tilhlýðilega menntun er ráðinn annar hæfur starfsmaður sem vinnur þá undir handleiðslu og stjórn deildarstjóra og sérkennslustjóra.

Hlunnindi:

Á Ökrum er full vinnustytting sem er 4 klst. á viku. Hluta styttingar er safnað í vetrar-, páska- og jólafrí
Leikskólinn er lokaður í dymbilviku vegna vinnustyttingar starfsfólks
Leikskólinn lokar kl 16:00 á föstudögum en 16:30 aðra daga
Skipulagsdagar eru fimm á skólaári og eru samræmdir í leik- og grunnskólum Garðabæ

Leikskólinn Akrar óskar eftir starfsmanni í stuðning