UNICEF á Íslandi leitar eftir ungum og kraftmiklum einstaklingi í fjölbreytt og krefjandi starf vaktstjóra í símaveri. Starfið felst í því að kynna starfsemi samtakanna sem og umsjón starfsfólks í símaveri. Um er að ræða langtímastarf í rúmlega 40% starfshlutfalli tvo daga vikunnar milli 13:00 og 21:00. Starfið hentar vel með skóla.
Starfssvið:
- Umsjón og skipulagning vakta í símaveri í samstarfi við verkefnastjóra
- Móttaka, fræðsla og þjálfun starfsfólks
- Þátttaka í stefnumótun og utanumhald verkefna
- Skráning og viðhald upplýsinga
Hæfniskröfur:
- Reynsla af sambærilegu starfi er kostur
- Framúrskarandi hæfni í mannlegum samskiptum og geta til að hvetja aðra til árangurs
- Mikil skipulagshæfni og sveigjanleiki
- Frumkvæði og sjálfstæði í vinnubrögðum
- Góð almenn tölvukunnátta
- Áhugi á mannréttindamálum
Við hvetjum fólk af öllum kynjum til að sækja um. Frekari upplýsingar um starfið veitir Vala Karen Viðarsdóttir, verkefnastjóri í fjáröflun, í síma 552-6300. Umsóknir sendist á vala@unicef.is til og með 17.júní.
Aðrar upplýsingar
UNICEF, Barnahjálp Sameinuðu þjóðanna, er leiðandi í hjálparstarfi fyrir börn í heiminum. Við berjumst fyrir réttindum allra barna og sinnum bæði langtímauppbyggingu og neyðaraðstoð. Við erum á vettvangi í yfir 190 löndum og höfum að leiðarljósi að börn njóti velferðar – hvar sem þau er að finna.