Bílaumboðið Askja leitar að metnaðarfullum og nákvæmum ábyrgðarfulltrúa til starfa. Um er að ræða krefjandi og fjölbreytt starf þar sem viðkomandi ber ábyrgð á umsýslu ábyrgðarmála fyrir allar vörur og þjónustu umboðsaðila. Starfið krefst skipulagshæfni, faglegra vinnubragða og góðra samskipta. Lögð er áhersla á áreiðanleika og skilvirkni í ferlum. Boðið er upp á spennandi tækifæri til að starfa í öflugu teymi hjá traustu og framsæknu fyrirtæki þar sem gæði og þjónusta eru í fyrirrúmi.

Askja er sölu- og þjónustuumboð fyrir Mercedes-Benz, KIA, Honda og Smart. Hjá Öskju starfar vel þjálfaður og öflugur hópur starfsfólks. Virk þjálfun og endurmenntun starfsfólks er í samræmi við gæðastaðla birgja. Askja er dótturfélag Inchcape á Íslandi sem er hluti af alþjóðlega fyrirtækinu Inchcape Plc. Fyrirtækið sérhæfir sig í sölu og dreifingu á bifreiðum og er skráð í kauphöllina í London. Inchcape er leiðandi fyrirtæki á sínu sviði, starfar á 38 mörkuðum með yfir 16.000 starfsmenn og vinnur með stærstu bílaframleiðendum heims.

Helstu verkefni og ábyrgð:

Undirbúa, annast og fylgja eftir ábyrgðakröfum vegna allra vara og þjónustu hjá umboðsaðila
Skipulag og umsýsla gagna í tengslum við ábyrgðakröfur
Samskipti við viðurkennda þjónustuaðila Öskju og birgja
Upplýsa, fræða og þjálfa viðeigandi aðila til að tryggja rétt vinnubrögð
Önnur tilfallandi verkefni

Hæfniskröfur:

Menntun sem nýtist í starfi kostur, t.d. á sviði bíliðngreina
Samstarfs- og samskiptahæfni
Skipulagshæfni og nákvæmni í vinnubrögðum
Góð tölvuþekking og aðlögunarhæfni að fjölbreyttum tölvukerfum
Reynsla af Microsoft Dynamics AX kostur
Góð íslensku- og enskukunnátta í ræðu og riti

Af hverju að vinna með okkur?

Vertu hluti af hratt vaxandi, alþjóðlegu fyrirtæki með þekkt bílamerki
Starfaðu með stuðningsríku og samvinnuþýðu teymi sem leggur áherslu á nýsköpun, fjölbreytileika og faglegt vinnuumhverfi
Tækifæri til að þróa feril þinn innan alþjóðlegs fyrirtækis

Um er að ræða 100% framtíðarstarf. Nánari upplýsingar um starfið veitir Tómas Kristinn Jónsson Þjónustustjóri ábyrgða tkj@askja.is

Ábyrgðarfulltrúi