Frístundamiðstöðin Brúin auglýsir starf aðstoðarforstöðumanns í félagsmiðstöðinni Árseli, afleysingu til eins árs, lausa til umsóknar. Ársel er starfrækt undir frístundamiðstöðinni Brúnni sem er meðal annars með níu félagsmiðstöðvar í Grafarvogi, Grafarholti, Úlfarsárdal, Árbæ og Norðlingaholti.

Við óskum eftir að ráða metnaðarfullan og áhugasaman einstakling með menntun og reynslu sem nýtist í starfi.

Markmið félagsmiðstöðva er að bjóða börnum og unglingum á aldrinum 10-16 ára upp á frístundastarf sem hefur forvarnar-, uppeldis- og menntunargildi og tekur mið af aldri þeirra og þroska. Markhópur félagsmiðstöðva eru börn og unglingar á aldrinum 10-16 ára. Félagsmiðstöðin Ársel er staðsett við hliðina á Árbæjarskóla, en þjónustar börn á aldrinum 10-12 ára í Árbæjarskóla, Ártúnsskóla og Selásskóla og unglinga á aldrinum 12-16 ára í Árbæjarskóla.

Vakin er athygli á því að Reykjavík er hinseginvæn borg og að vinnustaðir eigi að endurspegla það margbreytilega samfélag sem borgin er.

Helstu verkefni og ábyrgð

* Skipulagning á faglegu félagsmiðstöðvarstarfi fyrir börn og unglinga á aldrinum 10-16 ára.

* Leiðbeina börnum og unglingum í leik og starfi.

* Samráð og samvinna við börn, unglinga og starfsfólk.

* Samskipti og samstarf við foreldra og starfsfólk skóla.

* Starfsmannamál.

* Framkvæmd og skipulag starfsins í samvinnu við starfsmenn og ungmenni út frá viðmiðum og starfsreglum SFS.

*Aðstoðarforstöðumaður er staðgengill forstöðumanns

Hæfniskröfur

* Háskólapróf á sviði uppeldismenntunar, s.s. tómstunda- og félagsmálafræði eða sambærileg menntun.

* Meistarapróf á sviði uppeldismenntunar eða stjórnunar eða mikil starfs- og stjórnunarreynsla á viðkomandi sérfræðisviði.

* Reynsla af starfi með börnum og unglingum.

* Reynsla af frítímastarfi.

* Reynsla af stjórnun.

* Frumkvæði og sjálfstæði í vinnubrögðum.

* Skipulags og stjórnunarhæfileikar.

* Góð færni í samskiptum.

* Almenn tölvu og samskiptamiðla kunnátta.

* Góð íslenskukunnátta.

Vinsamlegast látið ferilskrá fylgja umsókn.

Hreint sakavottorð í samræmi við lög sem og reglur Reykjavíkurborgar.

Frekari upplýsingar um starfið

Laun eru samkvæmt samningi Reykjavíkurborgar og Sameykis, launaflokkur 259.

Nánari upplýsingar um starfið veitir Bjarni Þórðarson, forstöðumaður í félagsmiðstöðinni Árseli, bjarni.thordarson@reykjavik.is

Frístundamiðstöðin Brúin

Austurmiðstöð

Afleysing - Ársel: Aðstoðarforstöðumaður í félagsmiðstöð