Áslandsskóli - Deildarstjóri unglingastigs – afleysing til eins árs.

Áslandsskóli leitar eftir skapandi, hugmyndaríkum og drífandi deildarstjóra á unglingastig skólans.Um er að ræða 100% starf sem skiptist á milli stjórnunar og kennslu.

Ráðið er í stöðuna frá 1. ágúst 2026 og er ráðning afleysing til eins árs.

Áslandsskóli var stofnaður árið 2001 og er staðsettur í Áslandsshverfi í Hafnarfirði. Áslandsskóli er heildstæður grunnskóli með 1.-10.bekk og eru nemendur um 420 talsins. Einkunnarorð Áslandsskóla eru samvinna, ábyrgð, tillitsemi og traust. Áslandsskóli er heilsueflandi grunnskóli og er unnið markvisst að þeim málum innan skólans. Lögð er áhersla á að nemendur fái námsefni við hæfi og þrói þannig og þroski hæfileika sína með markvissum hætti. Í skólanum er lögð áhersla á vellíðan nemenda og góðan námsárangur.

Deildarstjórinn bætist við góðan hóp starfsmanna skólans og þá sérstaklega kennara á unglingastigi. Í skólanum ríkir góður starfsandi og er samheldni og samstaða meðal starfsmanna.

Skólinn byggir stefnu sína á fjórum stoðum náms og menntunar sem eru:

Allar dygðir
Hnattrænn skilningur
Þjónusta við samfélagið
Að gera allt framúrskarandi vel

Hver árgangur mætir a.m.k. einu sinni í viku í morgunstund á sal og er með lífsleikni hjá umsjónarkennara einu sinni í viku til viðbótar. Morgunstundir eru vettvangur til að vinna með dygðir og stoðir skólans.

Áslandsskóli notar spjaldtölvur í 5.-10. bekk skólans og hafa allir nemendur í þeim árgöngum afnot af slíku námstæki, sem hefur reynst vel í námi og stöðugt verið að þróa nýjar aðferðir til kennslu. Nemendur í yngri bekkjum hafa einnig kost á að nýta spjaldtölvurnar. Áslandsskóli er simalaus skóli.

Í skólanum er unnið eftir SMT skólafærni þar sem lögð er áhersla á að nálgast nemendur á jákvæðan hátt, gefa góðri hegðun gaum, styrkja og efla jákvæð samskipti milli nemenda og skapa jákvæðan skólabrag.

Helstu verkefni og ábyrgð:

Leiðir unglingastig og hefur yfirumsjón með verkefnum innan kennslustigs
Vinnur að þróun skólastarfs í samstarfi við stjórnendur og samstarfsfólk
Leiðir námsmatsvinnu og önnur verkefni
Tekur á hegðunarvanda nemenda á kennslustigi
Taka þátt í áframhaldandi uppbyggingu og mótun á skólastarfi
Stuðla að velferð nemenda í samstarfi við foreldra og annað fagfólk
Vinna samkvæmt stefnu skólans
Vinna að því að skapa gott andrúmsloft í skólanum og tryggja öryggi og velferð nemenda og starfsfólks
Önnur verkefni í samræmi við starfslýsingu

Menntunar- og hæfniskröfur:

Leyfisbréf til kennslu (leyfisbréf fylgi umsókn)
Framhaldsmenntun á sviði stjórnunar og/eða uppeldis- eða kennslufræði er kostur
Farsæl kennslu- og stjórnunarreynsla í grunnskóla
Haldgóð þekking á kennslufræði unglingastigs
Mjög góð þekking og reynsla af fjölbreyttu námsmati
Haldgóð þekking á Mentor
Leikni í fjölbreyttum kennsluháttum, námsaðlögun og samþættingu
Þekking og reynsla af SMT er kostur
Frumkvæði og sjálfstæði í vinnubrögðum
Leiðtogafærni og hæfni til að leiða framsækið skólastarf
Jákvæðni og áhugi á að starfa í skapandi og metnaðarfullu umhverfi
Lipurð í samskiptum, sveigjanleiki og samstarfshæfni
Mjög góð íslenskukunnátta. Að lágmarki C1 samkvæmt skv. viðmiðum Evrópska tungumálarammans

Nánari upplýsingar um skólann má finna á heimasíðunni www.aslandsskoli.is

Nánari upplýsingar um starfið veitir Unnur Elfa Guðmundsdóttir aðstoðarskólastjóri, unnur@aslandsskoli.is, og Hálfdan Þorsteinsson aðstoðarskólastjóri halfdanth@aslandsskoli.is.

Launakjör eru samkvæmt kjarasamningi Sambands íslenskra sveitarfélaga við SÍ.

Umsóknarfrestur er til og með 15.apríl 2026.

Greinargóð ferilsskrá og leyfisbréf fylgi umsókn.

Gerð er krafa um hreint sakavottorð við ráðningu.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.