Við leitum að metnaðarfullum einstaklingi til að sinna bókun og innheimtu á fjármálasviði. Í boði eru fjölbreytt og krefjandi verkefni á áhugaverðum og spennandi bílamarkaði.

Askja, Dekkjahöllin, Landfari og Bílaumboðið Una eru dótturfélög Inchcape á Íslandi sem er hluti af alþjóðlega fyrirtækinu Inchcape Plc sem sérhæfir sig í sölu og dreifingu á bifreiðum og er skráð í kauphöllinni í London. Inchcape er leiðandi fyrirtæki á sínu sviði, starfar á 38 mörkuðum með yfir 16.000 starfsmenn og vinnur með stærstu bílaframleiðendum heims.

Þetta er einstakt tækifæri til að hafa raunveruleg áhrif í kraftmiklu, alþjóðlegu umhverfi.

Helstu verkefni:

Skráning reikninga
Afstemmingar á viðskiptavina- og lánadrottnareikningum og banka
Dagleg sjóðsuppgjör
Aðstoð við mánaðarlegt uppgjör
Stuðningur við önnur störf á fjármálasviði

Hæfniskröfur:

Háskólamenntun eða reynsla sem nýtist í starfi
Samstarfs- og samskiptahæfni
Nákvæmni og sjálfstæði í vinnubrögðum
Jákvætt viðmót og þjónustulund
Góð almenn tölvukunnátta
Góð íslensku- og enskukunnátta

Af hverju að vinna með okkur?

Vertu hluti af hratt vaxandi, alþjóðlegu fyrirtæki með þekkt bílamerki
Starfaðu með stuðningsríku og samvinnuþýðu teymi sem leggur áherslu á nýsköpun, fjölbreytileika og faglegt vinnuumhverfi
Tækifæri til að þróa feril þinn innan alþjóðlegs fyrirtækis

Um er að ræða 100% framtíðarstarf. Nánari upplýsingar um starfið veitir Ólafur Björnsson fjármálastjóri ob@askja.is

Ef til þess kemur að þér verði boðið starf kann félagið að óska eftir sakavottorði ásamt annars konar upplýsingum sem staðfesta menntun þína og reynslu, s.s. prófskírteini. Jafnframt kann félagið að óska eftir því að skilað sé inn upplýsingum um fjárhagslegar skuldbindingar, einkum staðfestingu á því að þú sért hvorki gjaldþrota né á vanskilaskrá. Fer slík upplýsingaöflun eftir eðli þess starfs sem um ræðir hverju sinni.

Bókun og innheimta