Dalskóli er samrekinn grunnskóli og frístundaheimili sem heitir Úlfabyggð. Í skólanum eru um 500 börn á grunnskólaaldri. Skólinn er staðsettur í Úlfarsárdal og hóf starfsemi haustið 2010.

Í Dalskóla er lögð áhersla á sveigjanlega starfshætti og samvinnu. Í skólanum ríkir viðhorf virðingar fyrir einstaklingnum og sérkennum hans. Lögð er áhersla á lifandi, skemmtilegt og skapandi skólastarf. Skólinn starfar eftir hugmyndafræðinni um jákvæðan aga og er Dalskóli þróunarskóli í leiðsagnarnámi.

Krafa er gerð um kennsluréttindi, góða íslenskukunnáttu, mjög góða samskiptafærni og hæfni í teymisvinnu.

Auglýstar stöður eru fyrir næsta skólaár.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Helstu verkefni og ábyrgð

Annast kennslu nemenda í samráði við skólastjórnendur, aðra kennara og foreldra.
Vinna að þróun skólastarfs með stjórnendum og samstarfsmönnum.
Stuðla að velferð nemenda í samstarfi við foreldra og annað fagfólk.
Vinna samkvæmt stefnu skólans og taka þátt í þróunarverkefnum innan skólans.

Hæfniskröfur

Leyfi til að nota starfsheitið kennari.
Menntun og hæfni til almennrar kennslu með fjölbreyttar þarfir nemendahóps.
Reynsla og áhugi á að starfa með ungu fólki.
Framúrskarandi hæfni í samskiptum og sveigjanleiki í starfi.
Faglegur metnaður.
Áhugi á að starfa í skapandi og metnaðarfullu umhverfi.
Góð íslenskukunnátta.
Íslenskukunnátta á stigi B2 samkvæmt evrópska tungumálarammanum
Hreint sakavottorð í samræmi við lög sem og reglur Reykjavíkurborgar

Fríðindi í starfi

Menningarkort- bókasafnskort
Samgöngustyrkur
Sundkort
Heilsuræktarstyrkur

Frekari upplýsingar um starfið veitir Auður Valdimarsdóttir, skólastjóri í netfanginu: audur.valdimarsdottir@reykjavik.is

Laun eru samkvæmt samningi Sambands íslenskra sveitarfélag og KÍ v/ Félags grunnskólakennara.

Dalskóli Umsjónarkennarar á yngsta og miðstigi