Skarðshlíðarleikskóli auglýsir eftir metnaðarfullum deildarstjóra í 100% starf.

Skarðshlíðarleikskóli er nýlegur fjögurra deilda skóli sem uppfyllir nútímakröfur leikskólastarf. Leikskólinn er staðsettur að Hádegisskarði 1. í einungis 4 mínútna fjarlægð við Reykjanesbraut um Kaldárselsveg.

Hugmyndafræðilegur grunnur skólans tekur mið af lærdómssamfélagi (e. Professional Learning Community) þar sem allir læra saman og áhersla er lögð á virka þátttöku við að þróa öflugt skólastarf. Við leggjum áherslu á lýðræði, frumkvæði og lífsgleði í daglegum samskiptum og að auka leikni og færni barnanna í gegnum leikinn. Stefna skólans tekur mið af Fjölgreindakenningu Howards Gardners og Uppeldi til ábyrgðar. Við viljum skapa góðan starfsanda þar sem allir fá að njóta sín og leggja sitt af mörkum.

Einkunnarorð leikskólans er: VIRÐING - UMHYGGJA - GLEÐI

Leikskólinn deilir húsnæði með grunnskóla, tónmenntaskóla, íþróttahús og bókasafn sem býður upp á fjölbreytt samstarf sem er í stöðugri þróun.

Leikskólar Hafnarfjarðar hafa innleitt betri vinnutíma sem miðast við 36 stunda vinnuviku fyrir allt starfsfólk. Starfsfólk í Félagi leikskólakennara og Þroskaþjálfafélaginu hefur kosið fyrirkomulag sem felur í sér að starfsár þeirra er sambærilegt starfsári grunnskólakennara. Þessir starfsmenn taka því út vinnutímastyttingu í kringum jól og áramót, þegar vetrarfrí er í grunnskólum, í dymbilviku og með lengri fjarveru á sumrin.

Helstu verkefni og ábyrgð:

Vinnur að og ber ábyrgð á uppeldi og menntun leikskólabarna samkvæmt starfslýsingu deildarstjóra
Ber ábyrgð á stjórnun, skipulagningu, framkvæmd og mati á faglegu starfi deildarinnar
Annast daglega verkstjórn á deildinni og ber ábyrgð á miðlun upplýsinga innan deildarinnar, milli deilda leikskólans og milli leikskólastjóra og deildarinnar.
Ber ábyrgð á að unnið sé eftir skólanámskrá og að öll börn fái kennslu, umönnun og/eða sérkennslu eftir þörfum
Ber ábyrgð á að foreldrar/forráðamenn fái upplýsingar um þroska og líðan barnsins og þá starfsemi sem fram fer á deildinni
Skipuleggur samvinnu við foreldra/forráðamenn barnanna á deildinni s.s. aðlögun, dagleg samskipti og foreldraviðtöl
Önnur verkefni skv. starfslýsingu og sem yfirmaður felur starfsmanni

Menntunar- og hæfniskröfur:

Leyfisbréf sem kennari (Leyfisbréf fylgi umsókn)
Reynsla af starfi deildarstjóra í leikskóla er æskileg
Færni í samskiptum og samstarfshæfileikar
Frumkvæði, sjálfstæði í vinnubrögðum og faglegur metnaður
Góð tölvukunnátta
Góð íslenskukunnátta er áskilin - Hæfniviðmið C1 skv. Evrópska tungumálarammanum

Fríðindi í starfi:

Heilsuræktarstyrkur
Samgöngustyrkur
75% afsláttur af leikskólagjöldum
Forgangur á leikskóla
Bókasafnskort
Sundkort

Skilyrði við ráðningu er að viðkomandi hafi hreint sakavottorð.

Fáist ekki starfsmenn með leyfisbréf til kennslu, kemur til greina að ráða háskólamenntaðan einstakling eða einstakling með reynslu af starfi með börnum, sbr. lög nr. 95/2019. Við hvetjum áhugasama til að sækja um, þó þeir hafi ekki kennsluréttindi.

Laun eru samkvæmt kjarasamningi Sambands íslenskra sveitarfélaga við Félag leikskólakennara.

Nánari upplýsingar um starfið veitir Berglind Kristjánsdóttir leikskólastjóri í síma 527 7380

Umsóknarfrestur er til 25. júní 2026

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.

Deildarstjóri - Skarðhlíðarleikskóli