Foldaskóli er heildstæður grunnskóli þar sem lögð er áhersla á jákvæðan skólabrag og fjölbreytta kennsluhætti. Nemendur við skólann eru tæplega 500 en ásamt því að vera hverfisskóli nemenda í 1.-10. bekk í Foldahverfi er hann safnskóli á unglingastigi fyrir Hamra- og Húsahverfi. Við skólann er starfrækt Foldaver, sérdeild fyrir einhverfa.

Leiðsagnarnám og skapandi lærdómssamfélag einkenna skólann ásamt sterkri umhverfisvitund og heilsueflingu en skólinn tekur þátt í verkefninu Heilsueflandi grunnskóli og fylgir grænum skrefum Reykjavíkurborgar. Umhverfi skólans býður upp á mikla möguleika þar sem hann er í nálægt við Grafarvoginn sem státar af fjölbreyttri náttúru og iðandi fuglalífi.

Einkunnarorð skólans eru: siðprýði – menntun – sálarheill

Í öllu starfi skóla- og frístundasviðs er unnið eftir Menntastefnu Reykjavíkur, Látum draumana rætast, þar sem leiðarljósin eru sköpun, jafnrétti, virkni, heilsuefling og þátttaka barna í skólastarfinu, aukið samstarf og fagmennska. Einnig er unnið eftir stefnumótun verkefnisins Betri borg fyrir börn og innleiðingu laga um samþættingu þjónustu í þágu farsældar barna.

Umsókn fylgi ferilskrá, menntunargögn og annað er málið varðar.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Helstu verkefni og ábyrgð

Annast deildarstjórn á unglingastigi.
Vinnur að þróun skólastarfs í samstarfi við stjórnendur og samstarfsfólk.
Starfar í stjórnendateymi skólans.
Stuðlar að velferð nemenda í samstarfi við foreldra og annað fagfólk.
Vinnur samkvæmt stefnu skólans og stuðlar að framþróun og nýbreytni í kennsluháttum og kennsluaðsferðum s.s. leiðsagnarnámi og námsmati.

Hæfniskröfur

Leyfi til að nota starfsheitið grunnskólakennari.
Stjórnunarreynsla í grunnskóla æskileg.
Leiðtogafærni og hæfni til að leiða framsækið skólastarf.
Framúrskarandi hæfni í samskiptum og sveigjanleiki í starfi.
Mjög góð þekking á Mentor, upplýsingatækni, leiðsagnarnámi og notkun rafrænna miðla í skólastarfi.
Góð kunnátta í íslensku skilyrði, hvort sem er talað mál eða ritað.

Frekari upplýsingar um starfið

Laun eru samkvæmt samningi Sambands íslenskra sveitafélaga og KÍ.

Starfshlutfall 100%

Nánari upplýsingar um starfið veitir Ólafía María Gunnarsdóttir í tölvupósti Olafia.maria.gunnarsdottir@reykjavik.is

Deildarstjóri á unglingastigi - Foldaskóli