Engidalsskóli óskar eftir að ráða drífandi og kraftmikinn deildarstjóra á yngsta stigi, 100% staða sem skiptist í 50% stjórnun kennslu samkvæmt samkomulagi.

Engidalsskóli var stofnaður árið 1978. Skólinn er lítill og notalegur, hann sækja nemendur í 1.-7. bekk. Næsta vetur verða nemendur um 200.

Áhersla er lögð á fjölbreytta kennsluhætti, teymisvinnu og velferð og vellíðan nemenda og starfsmanna. Skólinn er heilsueflandi, flaggar Grænfána og er í innleiðingu leiðsagnarnáms. Skólinn starfar samkvæmt Uppeldi til ábyrgðar. Við leggjum mikla áherslu á lestrarnám og er lestur eina heimanám nemenda. Við skólann er einstaklega skemmtileg skólalóð sem býður upp á fjölbreytta möguleika til leikja og útikennslu. Góður starfsandi og jákvæð samskipti eru meðal allra sem í skólanum starfa. Við leitum að fólki sem vill taka þátt í að byggja upp öflugt og faglegt skólastarf með okkur.

Leiðarljós skólans eru: Ábyrgð - Virðing - Vellíðan

Nánari upplýsingar um skólann má finna á heimasíðunni www.engidalsskoli.is

Helstu verkefni og ábyrgð:

Annast deildarstjórn á yngsta stigi
Vinnur að þróun skólastarfs í samstarfi við stjórnendur og samstarfsfólk
Vinnur að mótun og framkvæmd faglegrar stefnu skólans
Stuðlar að velferð nemenda í samstarfi við foreldra og fagaðila
Vinnur að öflugu samstarfi innan skólasamfélagsins
Önnur verkefni skv. starfslýsingu og sem yfirmaður felur starfsmanni

Menntunar- og hæfniskröfur:

Leyfisbréf til kennslu
Framhaldsmenntun á sviði stjórnunar og/eða uppeldis- eða kennslufræði
Farsæl kennslu- og/eða stjórnunarreynsla í grunnskóla
Leiðtogafærni og hæfni til að leiða framsækið skólastarf
Hæfni í að leysa ágreining og sætta ólík sjónarmið
Frumkvæði, sjálfstæði og skipulagshæfileikar
Reynsla af teymisvinnu kostur
Lipurð í samskiptum og áhugi á að starfa í skapandi og metnaðarfullu umhverfi.
Þekking og/eða reynsla af hugmyndafræðinni Uppeldi til ábyrgðar æskileg.
Mjög góð íslenskukunnátta í riti og tali, að lágmarki C1 samkvæmt ETM Sjálfsmatsramma (coe.int).

Nánari upplýsingar um starfið veitir Margrét Halldórsdóttir, skólastjóri, í síma 5554433, margreth@engidalsskoli.is

Umsóknarfrestur er til og með 22. maí 2026, ráðið er í stöðuna frá 1. ágúst 2026 eða nánara samkomulagi.

Umsókninni skal fylgja greinargóð ferilsskrá og leyfisbréf til að nota starfsheitið grunnskólakennari auk annarra gagna er málið varðar.

Launakjör eru samkvæmt kjarasamningi Sambands íslenskra sveitarfélaga og KÍ.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins

Deildarstjóri á yngsta stigi - Engidalsskóli