Við leggjum áherslu á sjálfstæði barna og starfsfólks og vinnum með jákvæðan aga þar sem LAUSNAHRINGURINN er okkar aðal verkfæri. Unnið er eftir hugmyndafræði Caroline Pratt með einingakubba og John Dewey með áherslu á að læra af reynslunni.

Brákarborg er Hinseginvænn starfsstaður sem hefur hlotið Regnbogavottun Reykjavíkurborgar og þar er fjölbreytileikanum í öllum sínum myndum fagnað.

Einkunnarorð Brákarborgar eru:

AGI - VIRÐING - UMHYGGJA

Fríðindi í starfi:

Menningarkort – bókasafnskort
Samgöngustyrkur
Sundkort
36 stunda vinnuvika fyrir fullt starf með möguleikann á að safna fyrir t.d. jólafrí, páskafrí og vetrarfrí
Heilsuræktarstyrkur

Helstu verkefni og ábyrgð

Helstu verkefni deildarstjóra eru að skipuleggja starfið í samstarfi við aðra stjórnendur. Deildarstjóri er ábyrgur fyrir foreldrasamskiptum og velferð barna og starfsfólks deildarinnar. Hann er einnig ábyrgur fyrir samskiptum við verkefnastjóra og sérkennslustjóra. Einnig sér deildarstjóri um að halda utan um mönnun sinnar deildar og skipulagi vakta og undirbúningstíma.

Menntunar- og hæfniskröfur:

Leikskólakennaramenntun og leyfisbréf kennara
Reynsla af uppeldis- og kennslustörfum með ungum börnum er mikilvæg
Frumkvæði í starfi og faglegur metnaður
Sjálfstæð og skipulögð vinnubrögð
Lipurð og sveigjanleiki í samskiptum
Færni til að nýta sér tölvur í starfi
Góð íslenskukunnátta (a.m.k. C1 skv. evrópska tungumálarammanum)

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Laun eru samkvæmt samningi Reykjavíkurborgar og hlutaðeigandi séttarfélags.

Forsenda ráðningar er að aflað sé upplýsinga frá Sakaskrá ríkisins að fengnu upplýsu samþykki umsækjenda í því skyni að uppfylla skilyrði laga og ráðningaraðila fyrir ráðningu í starf.

Starfið er laust frá 5. ágúst 2026 eða eftir samkomulagi.

Nánari upplýsingar um starfið veita Sólrún Óskarsdóttir skólastjóri eða María Björnsdóttir aðstoðarskólastjóri í síma 411-3120 og í tölvupósti brakarborg@reykjavik.is

Deildarstjóri í Brákarborg