Við látum drauma barna rætast! Viltu bætast í samheldin starfsmannahóp á Hofi?

Deildarstjóri óskast til starfa í leikskólann Hof á deild með elstu og næstu elstu börnunum. Leikskólinn er í Laugardalnum og liggur vel við samgöngu- og reiðhjólaleiðir. Í skólanum eru sex deildir og þar fer fram öflugt starf í samheldnum starfsmannahópi. Lögð er áhersla á skapandi starf, fjölmenningu, útikennslu og lýðræði. Skólinn hefur unnið að þróunarverkefni um sjálfseflingu og félagsfærni og hefur hlotið Regnbogavottun. Einkunnarorð skólans eru virðing, gleði og sköpun.

Helstu verkefni og ábyrgð

Að vinna að uppeldi og menntun leikskólabarna samkvæmt starfslýsingu deildarstjóra, þ.m.t.:
Að bera ábyrgð á uppeldis- og menntunarstarfinu sem fram fer á deildinni
Stjórnun, skipulagning og mat á starfi deildarinnar
Að bera ábyrgð á að unnið sé eftir skólanámskrá
Að bera ábyrgð á foreldrasamvinnu

Hæfniskröfur

Leikskólakennaramenntun og leyfisbréf kennara nauðsynlegt
Reynsla af starfi í leikskóla æskileg
Stundvísi og faglegur metnaður
Frumkvæði, áhugi og vilji til að leita nýrra leiða
Lipurð og sveigjanleiki í samskiptum
Sjálfstæð og skipulögð vinnubrögð
Hreint sakavottorð í samræmi við lög og reglur Reykjavíkurborgar
Góð íslenskukunnátta- C1 tungumálastaðall ETM Sjálfsmatsrammi (coe.int)

Fríðindi í starfi

Stytting vinnuvikunnar
Ókeypis fæði á vinnutíma
Samgöngustyrkur
Ókeypis sundkort
Heilsuræktarstyrkur
Menningarkort sem veitir aðgang að listasöfnum og bókasafnskort

Frekari upplýsingar um starfið

Upplýsingar um starfið veita Særún Ármannsdóttir, leikskólastjóri og Stella Marteinsdóttir, aðstoðarleikskólastjóri í síma 411-6848 eða á netfangið hof@reykjavik.is.

Laun eru samkvæmt samningi Reykjavíkurborgar og hlutaðeigandi stéttarfélags.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Staðan er laus um áramótin eða eftir samkomulagi og um er að ræða framtíðar starf.