Melaskóli er grunnskóli í Vesturbæ Reykjavíkur. Í skólanum stunda um 500 nemendur nám í 1. til 7. bekk og lögð er áhersla á fjölbreytta kennsluhætti, vellíðan nemenda og góð samskipti. Einkunnarorð skólans eru vellíðan, samvinna, metnaður og sköpunargleði.

Við leitum að einstaklingi með góða samskiptahæfni og þekkingu á skólastarfi, sem hefur óbilandi trú á nemendum, áhuga á menntun þeirra og velferð. Einstaklingi sem er tilbúinn að taka þátt í því að móta metnaðarfullt skólastarf og stuðla að öflugri stoðþjónustu við skólann.

Helstu verkefni og ábyrgð

Skipuleggur og hefur umsjón með stoðþjónustu skólans ásamt því að sinna starfsmannahaldi, styðja við starfsfólk stoðþjónustunnar og veita faglega ráðgjöf.
Stuðlar að jákvæðri náms- og skólamenningu og vinnur að þróun skólastarfs í samstarfi við stjórnendur og samstarfsfólk
Boðar og stýrir skilafundum og er tengiliður skólans við sérfræðinga og stofnanir sem tengjast stoðþjónustu skólans.
Heldur utan um skimanir og greiningar nemenda, aflar og miðlar upplýsingum innan sem utan skóla vegna nemenda sem glíma við áskoranir og vinnur að einstaklingsáætlunum í samstarfi við sérkennara
Stýrir fundum nemendaverndarráðs og lausnateymis og er í samskiptum við fulltrúa þeirra.
Vinnur með tengilið farsældar samkvæmt farsældarlögum.
Sinnir öðrum störfum og verkefnum sem honum eru falin af skólastjórnendum og falla undir verksvið deildarstjóra stoðþjónustu.

Menntunar- og hæfniskröfur

Kennaramenntun og leyfisbréf kennara og/eða menntun á sviði sérkennslu, þroskaþjálfa, atferlisþjálfa eða sambærileg menntun sem nýtist í starfi
Reynsla af sérkennslu
Góð hæfni í mannlegum samskiptum, þolinmæði, umburðarlyndi og víðsýni
Stundvísi og áreiðanleiki
Frumkvæði og sjálfstæði í vinnubrögðum
Góð samstarfshæfni og sveigjanleiki
Skipulagshæfileikar
Mjög góð íslenskukunnátta í ræðu og riti

Í starfsáætlun Melaskóla má lesa nánar um skólann.

Um er að ræða 100% starf til framtíðar.

Nánari upplýsingar veitir Harpa Reynisdóttir skólastjóri, harpa.reynisdottir@rvkskolar.is, Björg Melsted aðstoðarskólastjóri bjorg.melsted@rvkskolar.is og Helga Jóna Pálmadóttir aðstoðarskólastjóri, helga.jona.palmadottir@rvkskolar.is.

Deildarstjóri stoðþjónustu